حنّـا بـنـات الـوطـن وشـمـوع ديـجـوره

[الديرة]

[align=center]

[ramv]http://www.qassimy.com/w7a/amadeembntalwa6n.ram[/ramv]



[poem=font="Simplified Arabic,6,white,normal,normal" bkcolor="transparent" bkimage="http://www.alraidiah.org/up/up/18285629620070626.jpg" border="none,4,black" type=1 line=0 align=center use=ex num="0,black"]



حنّـا بـنـات الـوطـن وشـمـوع ديـجـوره = وحناّ بنات الوطـن وأحلـى سعوديـه

منابـت المجـد وأصـل المجـد والصـوره = مـرابـط الـعـز وسـبــوق الـنـداويـه

منابـت الملـح وأصـل الــورد وزهــوره = مكـاسـر الـعـود والنفـحـه سمـاويـه

عذبات الانفاس وأغلى المسك وعطوره = نفحات الاشجان والنسمه ربيعيه

فوح الخزامى بروض ٍ قيل ممطوره = قدِ علّها مع بكور الوسم وسميه

حـنّـا بـنـات الـوطـن سكـنـاه وخـــدوره = حنّـا بنـات الـوطـن والثـقـل مـاريّـه

يالـلـي تـعـذرب بـنـا يمـنـاك مـكـسـوره = مـاكـن فيـنـا لــك أم وبـنـت وأخـيـه

أفـكـارك الـســود مشـبـوهـه ومـبـتـوره = وعلومـك الـعـوج ملفـوفـه وملـويـه

تـلــف وإلا تــزيــد الــلــف لــــك دوره = العلـم بالـهـون والحـاجـات مقضـيـه

خذهـا عـلـى نــور والـرايـات منـشـوره = بالـعـدل والمـيـز مكتـوبـه ومـقـريـه

خـذهـا وبـاقـي بـهـا وقـفـات مـذخــوره = تجيـك مـن فـوق وإن حبيّـت رديــه

بنـت الوطـن ياضعيـف الـرأي مـذكـوره = بالخيـر والطـيـب مـذكـوره سنافـيـه

مــن أول الـوقـت يالمسكـيـن مشـهـوره = بالفكر وأحلـى التواصيـف النسائيـه

بنـت الوطـن ياقصيـر الشـوف معمـوره = بالعـطـف واللـيـن وتـزيـده بحـنـيـه

إن كـان بالكـون قـالـوا عيـنـه وحــوره = بنت الوطن من عظيم الشان حوريه

بنت الوطن مـن جمـال الخلـق مستـوره = الطبـع هــادي ووقــت الـجـد جـديّـه

ممـكـن تـقـوّم بـوجـه المعـتـدي ثـــوره = والأصــل تكوينـهـا ثـابـت حـيـاويـه

شيهـانـة اللـحـظ بـنـت الـريـح منـثـوره = ملمومة الخصر بنـت الذيـب ريميـه

تكتـب حـروف الـوفـا وتـسّـن دسـتـوره = بحروفها إخلاص وإن حبّت هواويه

يعنـي هـي الجـو مــع بـيـداك وبـحـوره = مـن رأسهـا للقـدم بالـزيـن مكسـيـه

سمـعـت يالـلـي حسبـتـه لعـبـة الـكــوره = بعـض السواليـف لا سقتـه عماويـه

لا ضيّـع الـدرب مثلـك وأخلـف شعـوره = نـدلّــه الـــدرب والاعـمــال بالـنـيـه

يـاخــاوي الـفـكـر والـعــدلات مـقـبـوره = في صدرك اللي لبس بلواه صدريـه

مغـرور مغـرور مثـلـك نــاس مـغـروره = بمـركـب النـقـص والاوهــام مبلـيـه

منـادمـيـن الـخـطــا مـلـفــاه وطــيــوره = الـفـكـر خـيــاّل والـسـاحـه خيـالـيـه

مـن الحمـاقـه لبـسـك الكـبـر وشــروره = والحمق رمح الردى وحـدود هنديـه

تسـكـن زوايــاك والطـرقـات مـهـجـوره = ياغراب خل الحمـام إنسـى خطاويـه

لـو تفـرد الـريـش يالـطـاووس مـأثـوره = عـواقـب الكـبـر يالمـغـرور سلـبـيـه

يـاسـيّـد الغـطـرسـه يـاقـاصـر شـبــوره = ياعاشق الذات عشق الـذات نفسيـه

سمـعـت رد الاصيـلـه وإفـهـم سـطــوره = بسـيـط منـسـاب والاوزان شعـبـيـه

وإسلك طريـق الهدايـه وإحفـظ السـوره = السـوره اللـي علـى المعنـى ومكيـه

وإن كان نفسك على الشينـات مجبـوره = والـنـار يـامـيّـت الـنـيـران مطـفـيـه

أجـيـك أنــا بـنـت هـالـديـره ومـأجــوره = وتشوف بنت الوطن والجمره الحيه

أجيـك وتشـوف بنـت السـبـع مسـعـوره = وأخرك معـروف والدعـوى طبيعيـه

الـوقـت مـعـروف فــي زنـــات دبـــوره = يخـرّب العـش وهـو العـش راعـيّـه

ماهـي بشرَبـه مـن الـغـوري وشـابـوره = بعض الحكاوي وفيـه حـدود محميـه

خـذهـا ولا أقــول لا رديّـــت مـشـكـوره = من واجبـي لا دفعـت الشـر والسيّـه

بــأول خـطـوط الـدفـاع وراس طـابـوره = أصــــد وأرد والــصــدّه هـجـومـيـه

خذهـا وأنـا بنـت قـوم المجـد وحضـوره = منـي وأنـا مـن بنـات الـدار نجـديـه


[/poem]
[/align]