السلام عليكم يانجوم الرايدية..
ومساء الخير..لكل الأحبة..
هذه القصيدة هدية لكل من يتابع مشاركات نواف الفهاد,,,,,,,,,
:
:
:
ياوجودي من غيابك..وجد من فارق دياره
بعد ماهو عاش فيها كل سنينه الماضيات
أنجبر بظروف وقته غصب ماهو بأختياره
فارق أحبابه وناسه..وصار شمله للشتات
أو وجود الشايب اللي يحترق بوسط ناره
بعد ماماتوا عياله..وماوراه إلا بنـــــــــات
منهو بيوقف بجنبه والزمن كله مراره
بس يفكر في بناته والسنين القاسيــــــــــــات
أو وجود التاجر اللي راحت أمواله خساره
يضرب اليمنى بيسرى..كيف ذاك العز فات
تنهدم أحلام عمره..يوم دار الوقت داره
والهموم جيوش يمه..والليالي مقبـــــــــــــلات
والحبيب اللي تركني وكل قلبي بأنتظاره
وش عذره يوم خلاّ..قلبي العاشق فتــــــــــات
هو ناويها قطيعة وإلا يحسبها شطاره
ويل حالي ياوليفي..وبه همومن كافيـــــــات
لا تشب النار فيني وقلبي مخنوق بشراره
لا تخليني وتعرف راس مالي بالحيـــــــات
والله إني من غيابك مثل من فارق دياره
بعد ماهو عاش فيها..كل سنينه الماضيـات !!!
يا وجـــــــــــــــــــــــــــــــــــــــودي ؟!
العرض الشجري