فارس الحب سلمان طليفيح القهوجي والشيخ الدوووخي

[سلمان الشمري]

بالخير يالربع بالخير يالربعات وشلونكم


يالربع تسيف الواحد بهالصبح يطفش تسيف النت ولا مليون
موقع عد هالانترنت مابوه الوالي


يقولكم ست صعايده تهاوشو ليه



















وانا مسرحن بهم والا ادري عنهم لعنتن تلعن ابو بليس<--ياخي من الاول اسكت



والله من هالطفش فتحت هالصفحه وقلت ابهذري به وابقعد اخربط
على كيفي يمكن القى احد اتعلل معوه ونتقهوى سوا <--الورده مهي للتماسيح ولا للسحالي انما تم وضعها فقط لترويج الايقونة فهي قليلة الاستخدام عند الشعب السعودي


اويل قلبي لبى هالايقونة اموووووت عند هالكشره



يالربع من عين سامي المشرف وين هو يقولون تحول الى خباز عقب
ماهو موظف حكومه ومن الفجر لياما تجي 11 بالليل وهو يايعجن هالطحين
يايخبز <--لعنبو ابليسك طلع اشاعات تنبلع


سأحكي لكم غزوتي مع صديقي فارس الحب على قوم وش اسموه طليفيح
مدري طلفاح اللي هو كان هناك شاعر وفارس كبير الهامه ومعروفتن فروسيته
اسمه سلمان وكان له زميل اسمه فارس الحب وكان هناك قهوجي عند اخونا الدوخي
اسمه طليفيح كان هالقهوجي ضخم الجثه وكان ينحدر من اصول نيباليه وفي رواية بنقاليه
ويحمل الجنسيه الاندنوسيه <---الله يلعن ابليسك لعبت بالولد

كان سلمان يعشق بنت الشيخ الدوووخي ويموووت لياشافه عند الغدير وكان اسمه
فشقه
ذهب سلمان الى اخوه فارس يشتكي له لوعات الحب وكانت هالبنت تتميز بصفات
جمال عجيبه غريبه فكان راسها مستطيل الشكل وعيونه على جنب يعني تقدر تقول
مك قرش وكانت صلعا يعني جحه الا شي بسيط وكان به حذفيه
يعني تمشي ثلاث خطوات يمين والربعه يسار حتى الصناعيه ودو هالبنت لها
بس مالقوا الحل ويقولون ان فيه هندي يقول يمكن زيت الدفرنس فاااضي
المهم جا سلمان لفارس وتمثل بهالابيات قائلا : -

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يافارس الحب قلبي فيه مجنونه = تسكن لغاليغ قلبي وسط الاعماقي
روحي تعلق براسن شكل ليمونه = والراس صلعا ويلمع تقل براقي
وصفه كما الجح والعينين زيتونه = ازريت انا وصف خلي ياخي وش باقي؟؟[/poem]
عندما سمع فارس هذه الابيات قال والله لاخطبه لك وغصبن عن الي
مايرضى<--مايقصد الدوخي


ونروووح للدوخي ويصب لنا البنقالي ( طليفيح ) القهوة ونزل القهوة قال فارس
مانشرب قهوتك لين تلبي طلبنا قال الدوخي اشرب بس والا خليت طليفيح يحقنوه
مع خشمك ويطلعوه مع اذانك نقز سلمان وقال اعقب


هو المسكين ( اي سلمان ) ماامداه قال اعقب الا طليفيح
ملزق الدله على حجاجه الايسر وانصفر سلمان من قو الضربه قام وفتح
عيونه لقا فارس خااايف ويشرب فنجالوه <--ماوده يطلع مع خشموه


قال سلمان فارس لاتصالح <---يحسب انوه يكلم الزير


قال فارس روح وراااك ويقوم فارس ويحط رجلوه انحشششششش
ويتنهض سلمان وانحااااش

ويوم طلع من بيت الشعر نشبت رجله بطنب الخيمه واول ماطاح على
جيت طليفيح ويمسكه ويصطره ويصطره ويصطره الين راح لاهلوه
وهو مايعرف البشر





وانتهت حتوتتنا



يالربع ترا الابيات لي مهو بكرا يسرقهن حدى الشعار ويشتهر
على حساب الفقير لله سلمان <--روووح ياسلماااان


وترا الموضوع كيبوردي يعني اخطاء املائبة لليل




سلام ابرووووح اقضي لي شغيلات تخبرون الدوام السبت






سلملم