قصه سعيدان ومنيره ..!! للفرحه معهم غير.. لاتفوتكم

[المحتاااااس]

[align=center][grade="0000FF 0000FF 0000FF 0000FF 0000FF"][light=0000FF]كاااااااان ياماكان في سالف العصر والاواااااااااان
حدث في ذات يومن ممطر وكانت السماااء ماتزال ملبده بالغيوم (( لايكثر بس ))
كنت منيره قاعده في بلكونة بيتهم وتقرا مجلة ماجد وتحتسي كوب من الشاهي البارد( مسويته شغالتهم بدون نفس)
وفجأه جا ابوها شافت سيارته وقفت بالحوش و دخل البيت وهو ينادي : منيره منيرررررره يامنووووور
وهي ترد عليه بكل دلاخه : هاااااااه يبه جايه جايه اصبر (( دبه يالله تدحرج من الدرج )
وصلت لابوها وتلقاه قاعدعلى الكنبه ومدد رجوله والشماغ وصل للسره (( ابوها يسمع بالشياكه ))
هاه يبه قالهاااا : هوااااا ينفخ بطن عدوك
قالت : س سم يببببببه واسنانها تصك ببعض صك من الخوف
قالها وين امك؟ قالت عند جارتنا ام حمدان يحشون بخلق الله وينمون
قالها دقي على موبايلها قوليلها احضري حالن (( اخس ياموبايل )
دقت منور وجات الام تركض مرعوبه من سي السيد تقول ياربيه وش جابه اليوم بدري ماخلصنا للحين البروقرام الصباحي
وصلت البيت قطت عباتها عند المدخل وضبطت تنورتها الكلوش ودخلت تتمايل وتتغنج وتدلع ( توهي مسويه رجيم ومنزله 50 كيلو )
هلا هلا هلا ابو سعد يابعد دنياي هلا وغلا
رد عليها بنفس خايسه : انثبري اها وينك للحين تطامرين من بيت لبيت بهالصبح انتي ماتستحين يامره ماعندك بيت ورجال يبيله غدا
قامت تنافض وترعد من الخوف قالت بصوت كنه رادو يدور موجة صوت العرب : ممم ممم مماطلعت الا قبل شوي يابو سعد ومنور بالبيت تصلح الغدا هي والشغاله تهئ تهئ تهئ
قالها زين لايكثر بس اسمعي عندي لك خبر
قالت بشرني ياروح روحي (( لو سمعتها نجوى كرم كان اعتزلت ))

قالها بنتك منور جاها معرس ولد حلال واجودي
قامت تلولش الام وتلفلف بالغرفه من فرحها (( ماصدقت منور تذلف من البيت صكت ال30 ))
قالها: اوص ياحرمه لاتنشرين الخبر لين نشوف وش تقول البنت
قالت : وش تقول ياجعلها للعمى بتوافق غصب مهوب طيب
قالها: اسعليها
نادووو منور وجات منور وهي سامعه الحكي كله من ورا الباب بس راسمه على وجهها ابتسامه صفرا تدل على الدلاخه الوراثيه من هالعيله وقالت : هلا يبه سمي يمه
قالولها جاك عريس وقامت البنت تطامر من كنبه لكنبه ومن كرسي للثاني وهي بتشهق من الفرح (( يالله العقل بس ))
قالها ابوها وشو موافقه؟ قالت امها كل هذا يابوسعد ومافهمت؟ لاتحرج البنت وتخجلها (( امحق خجوله ))
ومرت الايام
صار عرس منيره على سعيدان ( عاشت الاسامي مستر سعيدان )
وصلو بيتهم بعد حفلة العرس
وبدت الرومنسيه
(( لحظه ممنوع قراءة هذا الجزء لاقل من 22 سنه منعن للاحراج ))
وصلو بيتهم العامر وكانت منور متلفلفه بعباتها كنها عامود شاورما من زود الحشمه والحيا ( ابوسعد رباها كويس )
التفت لها سعيدان وهو يقط بشته وابتسمة الدلاخه المعروفه مرتسمه على وجهه وقالها
هلا والله وغلا تو مانور بيتي بهالقمر اللي طالع ( للحين ماشافها )
هاتي عباتك ياقلبي عنك خل اناظر القمر واتأمل نوره


قالت والخجل بيقطعها تقطيع : يؤ افسخ عباتي؟ مابوه احد غريب هنا؟
قالها : مابوه احد الا انا وانتي ياقلبي هاتيها تكفين
وقطت عباتها على الارض وهي مستحيه ومع اول نظره منه لها قال : يؤ يؤ يؤ وش هالحلا ( ياويله من ربي كذاب )
هذي منيره عروستي ولا قطعه من القمر نزلت للارض؟
قالت له والخجل لازال يقطعها تقطيع : يؤ لاتكسفني وين المطبخ؟؟؟؟؟؟؟؟؟
قالها وش تبين فيه؟
قالت بروح اجهز لك العشا
قالها يابعدي روحي جهزي العشا وانا انتظرك
وراحت منور وانواع الدخان تطلع من المطبخ والروائح لييييييين جا العشا وكان مكون من صحن زيتون وبيضتين مقليه قلين مبرحن لين صارت لونها بني محمر وجبن كيري وخبز
قالها تسلم الايادي يا ام صعفوق
قالت والدهشه على وجهها : يؤ منهو صعفوق ؟
قالها والخجل بيقطعه هو هالمره : صعفوق ولدنا !!
وسكتو لحظه (( الخجل قطعهم ))
وتعشو وانتهى العشا بعد مشاده حاميه بينهم على من فيهم يوكل الثاني وفازت منيره بهالمشاده
بعد شوي قاالها يلا غرفتنا
قالت: رح وانا الحقك
راح سعيدان على امل انها تلحقه وانتظر وانتظر وانتظررررررر وانتظررررررر وفجأه مل من الانتظار وراح يشوف وش سالفتها
ووجد المفاجأه
جد منوووووووووووووووووووووووور منسدحه تحت التلفزيون وتاكل اسكريم وتتابع سبيس تون
قال يااااااااااالله المستعان بس وش هالنشبه؟
ناداها بصوت حنون منور منور ياقلبي انا انتظرك بالغرفه ورا ماجيتي؟ ( وده يرفسها وهي على الارض لين يطبق جنوبها من القهر )
قالت هااااااااااه؟ وش فيك الحين اجي ابشوف من يسسبق ساابق ولااخويه لااحق
اصيب سعيدان للحظات بخيبه الامل في عروسه ولكن ماهي دقايق مرت الا وهو منسدح على الارض وانواع المتابعه معهااا لين قفلت سبيس تون جا يكلمها يقولها يلا غرفتنا لقى منور تشخر بسابع نومه
قضت عليه خيبه الامل وراح غرفتهم وانخمد وهو مكتئب وخلاها ممدده في الصاله كنها ديناصور منقرض
في اليوم الثاني صحى سعيدان على ريحة حريق
نقز من فوق سريره وراح للمطبخ يركض بيشوف السالفه ولقى المطبخ كنه منجم فحم
والفضل يعود لمسز منووووووور (( الشيف رمزي ))
قالها وش ذا يامنوووور كح كح
قالت له : هاتسووووووووو كح كح مدري شسالفه ياسعودتي (( على بالها تدلعه وهو وده يصمخها ))
قلت اسويلك مكرونه بس الظاهر الطريقه طلعت غلط
ويلتفت سعيدان ويرفع راسه فوق ويلقى اصابع المكرونه معلقه بالمروحه بعد اثار الانفجار ويتاكد بانه مامن ورا هالعنز غدا ويقولها خلاااااااااااص مابي غدا
ويطلع من المطبخ مسوي زعلان
جات منور وهي تنطنط وراه وتناديه وهو مسوي ثقيل على باله بتراضيه قالها : هااااه وش تبين لاتكلميني
قالت له ببلاهه : يؤ شلون ماكلمك؟ رد علي لازم تطلع تجيب لنا غدا من برا انا بموت جوع (( ياويلي عليك ياسعيدان تحطمت امالك من هالدبه اللي ماهمها الا بطنها ))
قالها طيب يلا بدلي ملابسك بنطلع نتغدا برا
وفي لمح البصر بدلت ملابسها ولبست عبايتها وانتظرته عند باب البيت وهي تنادي سعودتي هات مفتاح السياره اسبقك (( من وين ذي مستوردينها؟ ))
قالها اصبري ونزلو مع بعض وصلو للسياره وركب هو جات هي تركب وفجأه تشششششششهق ذيك الشهقه
انتفض سعيدان وقالها: وراك وش جاك
قالت: نسيت جزمتي فوق في البيت ونزلت بنعال البيت
سعيدان : تهئ تهئ تهئ تهئ
اطلعي بسرعه جيبيها في لمح البصر ولا قسمن عظمن مانطلع
مالحقت منور تسمع اخر كلمه الا وهي ركككككككض في الدرج خايفه مايطلعها وتركض تركض وتطيح وتنطيق سنونها على طرف الدرج وتقوم وتكمل ركض ليييييين توصل البيت وتفتح الباب وهي تنتفض (( ميته على الطلعه )) وتلقى جزمتها الفوشي عند باب البيت وتاخذها وتحذذذذذذذذف نعالها للدااااااااخل ويطييييييييير ويجي على التلفزيون ويطيح المزهريه اللي فوقه (( تشارك في الاولمبياد منيره )) وتبتسم ابتسامه واااااسعه فرحانه بالحركه اللي سوتها بالنعال
وتتذكر انه سعيدان مهددها وتنتفض وتقفل الباب وتنززززززززززززل ركككككككض وتوصل لسعيدان وطرف تنورتها بفمها من قوة الركض وتقوله انا جيت ياسعودتي
وينفخ عليها اركبي عماااااااااااااااا (( امحق شهر عسل ))
وتركب وهي خاااااااايفه وانواع التأتأه وتقوله: سامحني ياقلبي
يقولها طيب قضينا
وتبدا ترتب جلستها في السياره وتتعدل وتناظر المسجل وتقولها اشغل شريط ؟؟
قالها ايه وريني زوئك (( سعيدان مرئدي ))
وتبدا تخرفش في هالاشرطه وتدور تدوووور واخيرن استقرت على شريط مغبر ياااااالله اشتغل ويطلع شريط من ايام حفرو البحر وتتسمع هي وياه وخاشين جووووو
وفجأه يوقفون في اشاره ويوقف جنبهم سياره كامري مليانه شباب وهي من دلاختها عجبتها السياره وقامت تتفحصها طق عرق براس سعيدان وجاه اللي براسه
وقالها: هااااااااااااااه عاجبينك؟؟؟؟؟؟؟؟؟؟؟
قالت: ايوالله سيارتهم تهبل
وعينكم ماتشوف الا النووووووووور فرررررررررررررررررم فررررررررررررررم حيييييييييييييط ويلف سعيدان بالسياره ويعودون من حيث اتوووو ويردها للبيت وهو ضغطه ستين الف ونتفه
وهي تصييييييييييييييح تهئ تهئ تهئ تهئ وش فييييييييييك ياسعودتي؟؟؟؟؟؟؟؟؟؟
قالهاا ولاا شي انثبري هنا مالك الا بيتك ممنوعه من الطلعه وشوفي عباتك تراها مغبره من تحت (( اثرها صكت باب السياره على عباتها من الخوف وصار لون العبايه بني محمر ))

منقووووووووووووووولة


انشالله تعجبكم[/light][/grade][/align]


تحياتي حيوسي