الشاعر ابن مطرود من كبار شعراء قبيلة الشرارات بالقريات له نادره شعريه مرحه حينما ركب الطائره لاول مره يقول :
وادعت ناجح مـن مطـار القريـات
............................. يـوم ركبونـا الطائـره وشلعتـنـا
لفت ودارت وامرجت بيـن لحظـات
............................. لـولا الكراسـي والمحـازم رمتنـا
طاروا بنا حمـر العلابـي خواجـات
............................. زغـل العيـون وجيههـم هولتـنـا
تكفى تشهد يا ( فهد ) واقـرأ آيـات
............................. المـوت جانـا والظـروف اجبرتنـا
جانا المضيف وقال وش فيه خدمـات
............................. قلـت نزلونـا بطـونـا اوجعتـنـا
من قبل اشوف الغيم دون السمـوات
............................. واليوم اشوفه يا فهـد مـن تحتنـا
عز الله اني ما حسبـت الحسابـات
............................. والا تـرى سيـارتـي موصلتـنـا
يا زين ممشى الارض لو هي مسافات
............................. إلنـا بشعيـب ٍ مجهزيـن قهوتنـا
وش جابنـي لطائـره والمـطـارات
............................. والله ما أعُـو د ركوبهـا إن نزلتنـا
لو تنفجـر قامـت تذيـع المحطـات
............................. رح عـاد دور قشنـا مـن جثثـنـا
المواضيع المتشابهه
العرض الشجري