سالفة خطبتي

[راضـــي]

[align=center]قصة خطبتي

مساكم الله بالخار ابك يالله حيهم بشرونا عنكم وعن وراعينكم سالفة الخطبه عانوها تبا تلفي علاكم

كخخخخخخخخخخخخخخخخخخخخ

اليوم ابي اسولف لكم سالفة خطبتي

نوينا نعرس بعد الحاحن كبير من الاهل وحب خشوم وطلبت من الوالده انه تنهج تخطب لي بنت جيران ( ن) لنا هالبنت اخبره يوم حنا وغدان نلعب مع بعضنا مزيونه <<< صاروخ بالزين

و البلشه يوم حنا وغدان بوه واحدن ناشبن لنا وين ماندوي انا وهي الا وهو بحلوقنا

هالليد نسميه ( ابــــــــــو نــــخـــرور ) <<< وسمي بهذا الاسم نسبتن الى نخاريروه الي تدرج تقل مرازيم بيت ًضاربته برديه ومطر يكرم المطر والسامعين ابو نخرور هذا دوم نخاريروه تدرج ان بغى بقيض والا شتاء وماتعرف نخروروه من سعبولوه كلهن يختلطن مع بعض والصحيح ان العيال مايعطونوه وجه ولا يلاعبونوه معهم ويعيرونوه بابو نخرور وياشافوه اقبل قالوا هجوا هجوا سبع حيكم جاكم ابو نخرور ويناحشون وانا ارحموه واخذوه معي وانهج ام اكا البنت المزيونه ونعلب كلنا سويه الشهاده لله انوه عاقل مايعمل شين وياشفتوه بغى يلعب بذيلوه اقول هاه تقعد والا اعيرك وبسرعه يهجد ويقضب القاع والكل عارفن معيارتوه حت البنيوات والشهادة لله ان المزيونه يازعلت عليه ماتعيروه بأبو نخرور الظليمه شينه تقول لوه ابو ريح وياشافتوه تقول سد خشمك ياشخاط جانا ابو ريح <<< نسبتن الى ريحوه الي تفوح من جسموه حيث انو ه لا يتروش الا من ليلة عيد لعيد ويسعلتوه انت ليه ماتسبح يابو نخرور قال يقضي ماءنا <<< ايملا الذهاب الي يذهبك قعيطي هالوغدوثوبوه اصفر والوصخ مجلمدن عليه ويتبطح بهالريغا وكوم ثوبوه ساعتن يمش بوه نخروره وساعتن سعبولوه والسروال حق الرياضه ابو خط من الجنب ولونوه اصفر << يشجع النصرويسعلتوه ليه ماتغير سروالك وتلبس سروال سنه يقول حتن ياصار درس الرياضه افسر ثوبي بسرعه الا والسروال حدروه <<<<< الا يملا الذهاب ماكبر ذهانتك وياشاف زولي مقبلن من بعيد يم بيت المزيونه لو هو بالقوايل يجينً طايرن يلحقن <<< مسنترن عند بابهم مايفتر ليل ونهار وصار مثل ضلالي مايفارقن وين ماروح وراي والشهاده لله اننا انا والمزيونه نخليه يلعب معنا مثل يامن لعبنا زقطه نخليه يجمع لنا الحصى ويابغينا شين نرسلوه يم الدكان يجيب لنا ( عصير غوًار ونفيش وحلاو وعلك ابو سهم وعسكريم ) ولو نقول جب راع البقاله شقلوه وجابوه لنا والصحيح انوه حبيب( ن ) مايعيي ونعطيه من المقسوم الا العسكريم تخبرون الوغدان يغلونوه ومانعطيه ناكلوه انا والمزيونه ونحمقروه نلحس العسكريم ونقول يابو نخرور شف شف ونمد السنتنا وان اشتهت المزيونه شين ومامعي فلوس خذيتوه معي يم راعي الدكان انا احاتسيه والعب بوه وهو يسرق واذكر مرتن الدكان مصكر القايله وبغينا عسكريم والله وانا (اقضب يدوه واحط يدي من وراوه ) <<< مهو دايم يابغيت شين او اشتهت المزيونه حويجه ويوم وصلنا للدكان يمار مصكر وانا اخليه يجدع نعولوه بالرمضاء الحاره قلت شفت شبابيك الدكان يمار حدايدن مصنقات ضاربتهن الشمس ومولعاتن من حرارة الشمس قال ايه وهو يطامر من رجل لرجل <<< مابو نعول خليتوه يجدعهن لزوم السرقه قلت انجحر بينهن وادخل الدكان واسرق والله هو يدخل وغص بينهن وبغينا ننكشف مار الله ستر دفيتوه يمار ماتسمع الا دبتوه وقع على وجهوه داخل الدكان وسرق وطلع وتمت السرقه بحمد الله ويالعبنا طمره انا والمزيونه قضبناوه عصا المكنسه يمسكوه لنا وحنا نطمر وان لعبنا شرطه وحراميه خليناوه الشرطي وحنا نركض وان لعبنا كوره خليناوه الحارس وان رقينا القاره نبي نتمزلح قعدناوه وقضبناوه نعولنا وياويلك لو تحرك وينثبر بمحلوه ويراعي لنا بعويناتوه وحنا نتمزلح وان بغينا نويق على شينن مرتفع خليناوه ينبطح وركبنا على ضهروه وقلنا ارفعنا فوق نبي نشوف وابدن مانبحل بوه ابد لقينن لوه شغلوان صرنا بالمدرسه ماصوت لوه الا خويي اخذ منوه اقلام وان نسيت حدى هالملويات دفاتري احطه بظهروه اقول خذاوه مني ياستاد امس وماجابوه وتخبرون ياجت حزة الفسحه ارسلوه يم المقصف يداحم ويشري لي ويامن بغينا نصرفوه انا والمزيونه الشهاده لله انوه دلخ مايفهم التصريفه ويحدنا نعيروه وان مازعل اقوم ابطحوه بهالريغا يما يبتسي وينهج ام اهلوه زعلانوبيوم من الايام نهج يم اموه وعلمه قال شخاط يعيرن قدام البنت ويقول ابو نخرور ويوم بحرنا الا واموه جايتن هداده قالت انت ماتستحي وليه عليه قلت ماقلت لوه شين بس قلت ابو نخرور<<براءه هاليد



ومالكم بالطويله نويت اخطب هالبنيه وابو نخرور نشبتن بحلقي من يوم ربي خلقوه لساعة الله الساعه نهجت امي يم ام البنت الا سالفت خطبتي منتشرن على خلق الله وتدخل امي المجلس وتلقى ام ابو نخرور جايتن تخطب لابو نخرور اويلااااااااااااااااااااااااه الا يحلالات من طرحوه

ابو نخرور سمع بسالفة خطبتي واثروه حاطن عينوه مسبوع الابو على البنت من يوم حنا وغدان
بدت امي بالموضوع وضحكت ام البنت وقالت والله يام شخاط ام فلان << اي ابو نخرور خطبت لولده مشوين وقالت امي انتي ايهم تبين قالت انا اخبرهم يوم هم وغدان ومدري ايهم عيالكن قالت امي ابو نخرور ولده (الا يابعد حيي لكا الفره يميمتي) وقالت ام ابو نخرور (ابو اذانن طافحات هو شخاط )<<< ايملا الذهاب حاقدتن علي من يوم انا وغيد

ويوم سمعته امي قالت ابو ثوبن اصفر ولده ابو نخرور وقالت ام ابو نخرور الاسود شخاط نسبتن لي لون بشرتي البرونزي القريب لاهل المكسيك <<< ايه هين قالت امي (الاذان بوه عمليات تجميل )<< الا يابعد حيي لكا الوجه صايرتن ذهينه اميمتي وتسانوه يام فلانه على السواد ابشرتس بوه كريمات تبييض وانتي تعرفين شخاط وتسمعين بوه ومايحتاج وضيفه ومركز <<< يشتغل بالكونغرس وقالت ام ابو نخرور ابشرتس بعد يام فلانه ابو نخرور غدى رجال هالحين مهو زي خبرتس اول وتوظف وصار ظابط <<<< (اويلاااااااااه المروح صار ضابط ) ونخروره هذاك اول هالحين مانشوفوه لو بوه زكام وتسانوه على النخرور حدوه منديلن يمشوه مار البلا بالاذان وش يعملبهن ضحكت ام المزيونه وقالت يام شخاط ام فلان ( تعني ابو نخرور )
خطبت قبلتس وسالفت التجميل حنا مانبي نخسركم النخرور مقدورن عليه حدوه منديلن بريال ويمشوه مار الاذان يجملن بالالاف ولانني ظملتوه ايام الطفوله انتقم مني الله ووقف بجانبه وفاز ابو نخرور بالمزيونه وانا عضيت التراب

تشااااااااااااااااااااااااااااااااااو والى لقاء أخر [/align]