[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
أعك اشداد قيفاني وذودي يتبع المقهور=وبنات الفكر ضربها خفوقي لبدع جزلاتي
وخفوقي هو فحلها اللي تميز مايجيه أفدور=يجيه القيض مايفدر وبنكه مجمل أبياتي
واليلا مني بدعت القاف اجيبه يحاكي الجمهور=اجيبه راهي المعنا وهذي دوم عاداتي
مهوبغرور قايلها بتواضع هاكم المحظور=خيانه ياوطن شفنا بطانه تخون ساداتي
خيانة لحاكم ومحكوم فيها بكشف المستور=خيانه والقهر فيها من ابناء البلد تاتي
وقول الصدق للمايل يسبب له زعل ويثور=وقول الصدق للعاقل جميل بعلمن مواتي
وفا لمبايعه وطاعه للأمر علي المأمور=وفا للحكامنا لو هي زوالي او نهاياتي
وانا في واجب البيعه حضرت بأول الطابور=حضرت موالي ابايع خيانه صدي واسكاتي
ولاني بالردا راضي ولاني بالردا مسرور=ومالك يا ردي شرهه علي اهل الطيب شرهاتي
ياحكام الوطن امسا وطنا قاع دهر وبور=واذا راجعت لك مسؤول ينشد وين شيكاتي
عساها تاصل الحاكم ويدري بالبلد مغدور=بدافع هقوتي فيهم وهقوة عز هقواتي
عثو في ابلادنا والله ظلم وكذب نهب وزور=وهم ساس البلا وارهاب هذي هي نظراتي
وتراهم بالطمع اشبه بكلب يحوفنا مسعور=وخانو للثقه وباعو وطنا واطلبو اثباتي
وصريح النطق منطوقي وبالمنطق ارد الشور=وصريح القول في قولي بصدق القول كلماتي
مصيبه هم حروف الجر وابلادي هو المجرور=لنيران الفتن سارو واحذر قبل حسراتي
نشوف الوضع متمايل ومن جفره الي حادور=وطن لو طاح ماينهض علي دمعي وعبراتي
وطن خل الوزير يحس انه ابمنصبه مكبور=وطن عاقب هل الكرسي وحنا افدا قاداتي
اقول من ضمير وقلب حاسبهم لنا بالدور=حقيقه قلتها بأقرار عقلي واعتباراتي
نصيحه ياولاة الامر من هم شعبنا مدمور=وحال الشعب واوضاعه وحزنه بصوت نبراتي
وطن لجلك نبيع اعمار وترابك كفن وقبور=ونسوق اعمارنا لحكامنا مابه مراواتي
وصوت الارض بأختصره ولو كان الوطن منهور=وطنا ينخا بصياحه حكامي وساساتي
عزوينا بعبدالله ملكنا واللملك منعور=وعزوينا ابولي العهد جودك يجمع اشتاتي
وبسم سلمان صحنا وانتخينا بنايف الممرور=بروج العاج هدوها بنوها بنكساراتي
سمعتوا صيحت ابلادي عسا الموقف يجي بانور=سمعتوها ياحكامي وختمت ابصيحته ابياتي
عبداللـــــــــه بن ضيف اللـــــــــه الشمـــــــــــــــلاني[/poem]
المواضيع المتشابهه
العرض الشجري