يبه وانا بعد اثنى عشر عام حسيت
اني قدرت اقول شي كتمته
ابطى قصيدي مانكتب فيك وابطيت
اجر صوتي وارجع اجر صمته
ماودي اكتب بيت واندم على بيت
ماهو بشعر الشعر كأني زهمته
الشعر كانه منحنى لي ماجيت
ان ماعزم مرثيتك ما عزمته
ان ماكتبته بأزرق الدمع وابكيت
كل الجروح المبطيه مارحمته
يبه وانا من بعدك ابو التناهيت
مامر طعم للحزن ما نهمته
يبه .. يبه كلمه وانا كل موحيت
كلمة يبه صديت والوقت لمته
يبه ...يبه كلمه وانا كم تمنيت
اهدم بها وابني بها اللي هدمته
يبه .. وانا ليا ضقت رحت وتهجيت
اكون بيت ضم حلما حلمته
يومك تعلمني ليا من تحاكيت
درس الحياة الي كبرت وفهمته
هناك كانت دلتك لا تقهويت
وهناك كان يساق طيب حشمته
وهناك ايه اذكرني اهناك خليت
طفلا ملئ بالدمع درب رسمته
هناك جاني علمك انك توفيت
وهناك خاويت الشقا واحتزمته
واليوم قلت اليوم يومي ومديت
كف القصيد وطاح شعر نظمته
لكن بعد سنة اثنى عشر عام حسيت
اني عجزت اقول شي كتمته
heart2
العرض الشجري