قصيده نادره جدا لخادم الحرمين الشريفين رحمة الله

[محمد الرويضان]

[align=center] بسم الله الرحمن الرحيم




( 1 )

( تــكـــفــــى يــبـــو مـــتــــعـــب )

تكفى يبو متعب ترى الحال منقود **** من بعد ربي فيك الآمال تعقد

تكفى يبو متعب ترى الأمـر معقود **** في كلمتن منك تحــل المـعقد

إخواننا ياشيخنا حــالت ســدود **** بين الفرح وقلوبهم ينبني سـد

عــذابهم ياشـيخنا مـاله حـدود **** إخــواننا ياشـيخـنا لاتــردد

تكفى يبو متعب لياليهم تسـود **** بدد عتيم الظـلم ياشـيخ بـدد

أحي الجهاد وجيشنا يطلع حشود **** من كل حدب وصـوب ينسـل ويرعـد

أحي الجهاد وكلنا طوعـك جنود **** جنود حــق ورب الأفــلاك يشـهـد

أحي الجهاد وطالب الحق محمود **** في مسجد الأقــصى لنا حـق نـسجد

حتى الحدود نشيلها مابه حدود **** تصبح ســراب بكلمتن منك تحــمد

ندكهم ياشـيخ والعـالم شهـود **** قـدام هيكــلهم جثثــهم تمــدد

ترجع سنين العز للدين وتعود **** أيام أبو بكر وعمــر والمجــدد

أيام حد السيف والظيم مردود **** أيام غــزوات الإمــام المـوحـد

تكفى يبو متعب تفررج عن العود**** يبغى الصـلاه وردوا العود يسجـد

شارون ملعون ومعه زمرة يهـود **** ويلاه يـاذبحه وهـاالناس تشـهـد

قلته وأنا قلبي من الظلم ملهود**** تدمي القلوب أحوالهم كيف نرقـد؟

تكفى يبو متعب ترى الحال منقود **** أنت الكبير وفيك الآمـال تعـقـد

الشاعره / البندري 2000

--------------------

-

-

-


( 2 )


( الشكل شكل ارجال والعقل هايف )

كلمتها والقلب ترجــف محـانيه **** بين الضلوع الحـدب مقهور عايف

قلت الشعر تصرخ بصدري معـانيه **** أصبـره والصـبر للـنفس طــايف

إن كان عندك راي يانجد قـوليه **** من وين أوجــه كلبوهـا حسـايف

قالت شموخ *الشعر بالشعر عزيه **** وأحلـى القصايد لبسيها قـطايف

لاتكبتين الصـــوت يابـنت عليه **** صرخه بوجه اللي يقولــون زايف

ومن قال يكتب شعر للبنت يهديه **** لو كان صـادق مانشـر بالصحايف

ولاصارينهق والصحــافه تـغـطيه **** إنه وذيك البنت كــانـوا ولايف

وشــلون يقدر يطمس الحق بيديه **** ماهـوب رجـالـن ولاهـــوب نايف

لابد يوم الحق تظهر مــــواريه **** يومن لهم وايـام سـودن عجـايف

قولـي لداعي الشعر يابنت لبيه **** لبيه يانزف القـلوب الرهــايف

ولاقام ينبح كلب ســيري وخليه **** لازاد نبح الكـلب معناه خــايف

خايف عيون الناس مـاتلتفت فيه **** تطـلع عليه البنت والكل شـايف

نركب على راســـه وغصبًن نوطيه **** نـرقــى بنزف قلوبنا للـنوايف

ويامدعين الشـــعر أنتم بلاويه **** الشكل شكل ارجال والـعقل هايف

واللي زعل يشرب من البحر يرضيه**** حنا لها مــوتوا بشـر وحسـايف


الشاعره / البندري 2000

--------------------

-

-

-

( 3 )


( من قال حب البنت كذب وسواليف )

من قال حب البنت كذب وسواليف? **** وشلون والنيران تشعل بجوفي ?

إن كان حبي له هـروج وتخاريف **** ياكيف عاد الحب بأقسى الظروفي

عيونه سفن ورموشـهن المجـاديف **** ماهو غـــزل يانا قدين الحروفي

وجهه بحر يطري عليْ أقرب السيف **** واخاف من موج البحر مايـــروفي

هوْ البحر هوْ البحر ســــره مخيف **** يشـــدني لونه ووسطـه حتـوفي

يمدلي يمناه وآقـــول يـــا حيف **** مــــهوب طبعي يلمسون الكفوفي

بنت البدو والحـــب عيب وتكاليف **** والمـوووت من هرجة عذولٍ نكوفي

غصـــبٍ عليْ الحب ماهــوب بالكيف **** وشلون ابختار العنا والحسـوفي

حب الشـــــرف مهوب حبر ومظاريف **** مايلحق الشمس العظيمه كســوفي

يانـــاشدٍ عني تـــرى حالي صخيف **** عقب الهوى عرفت نقش الحــروفي

وياللي تبي للحب وصــــفٍ وتعريف **** تعال شـــوف الحال تكفي وصوفي

وياعزوتي ليه الأســـى والتحاسيف **** ليه انقبر حيـه وعيني تشــوفي

دخيلتك ياربـــــي ابن آدم ضعيف **** لاقلت حقي قلـتوا القــبر يوفي

لاتجبرون الروح غصــــبٍ وتخــويف **** ماشوف غيـره لاتـقــولون شـوفي

صـــــديت عن غيره ولي قلبٍ معيف **** لي كيف لوْ تـدرون صــعبٍ عيوفي

هـــذاك طلق حجاج ومكــرّم الضيف **** شروى الوجيه الطيبه ومعـــروفي

يســـوى كثير أزوال وقلوبهم زيف **** بنطر خــيوله لوْ يطـوّ ل وقـوفي

إن كانها بالعز فالقلب لــه ريف **** وإلا الحـرام بعيد عــنّه طـيوفي

إما نهايتها دفــــوف وغطــاريف **** وعلوم الرجال مرقصين الســيوفي

وإلا فراقٍ يرفـــع الراس تشــريف **** لابو حـــياةٍ لـلـرذيـلـه تحوفي


الشاعره / البندري 2000

--------------------

-

-

-


( 4 )


( والحظ يقفل عند وجهي كتابه )


الناس واجــــد بس ياقل الاخيار **** وجه القدر كلٍ تـــمنى عتــابه

ناسٍ تناهشني على كشف الاســرار **** ماكني إلا وسط غـــابة ذيــابه

ضلعٍ عـــوج والوقت قاسي وغدار **** لاشــح عني بالأهــل والــقرابه

والشايب اللي من صناديد واحرار**** هوْ العضيد لوحدتي والكـــآ به

واحد وله في القلب عزٍ ومقـــدار**** غــيره جميع الناس عندي تشابه

لاقال يابنتي تنبهت. وش صـــار **** واخاف لاغــمض يطــوّ ل غيــابه

لوْالبشر تهدي على الناس الاعمار**** أهــديت له عمري ويرجع شـبابه

عــنْه اتحمل كــل لايــم وبــوار**** يا خذ هنا عمري وانا لي عـذابه

لا حــدني وقتي على غيره احتـار**** خوفي يعاتبني على دق بـــابـه

وإلا يــدورللهـرب مني أعـــذار **** والحظ يقفل عند وجهي كــتابه


الشاعره / البندري 2000

--------------------

-

-

-


( 5 )


( إرجـــــــالنا نومـــــهــــــم طــــــوّ ل )


واللي خلقني لشـــد حــــزام **** لاقالـوا جهاد وأتوكــل

لاباح ســــــدي تـرى ماأنــلام **** إرجـالنا نومــهم طــول

مسلم وغــارق بوســط أحـــلام **** واخواننا تذبـح وتقتــل

وشـارون يعلن على اًٌلإســـلا م **** الحرب ماغيرهـا يقـبــل

ياناس إصحــــوا من الأوهـــام **** القدس ماعاد يتحـــمــل

من ننتظــر ينصـــر الإســــلام **** مترف ويمشي على مخمـــل

القــدس يرجــع بحــد حســـأم **** مايرجع بحذفة الأعـــزل

بنت أي نـــعم بس ماأنـــلا م **** إرجـــالنـا نومهـم طوّل


الشاعره / البندري 2000

--------------------

-

-

-


( 6 )


( قصة القذله )


جـــدي محـــرم عليه قصــة القذله **** حاولت أبـي قصها نفذ وكفخنــي

يقول يابنت ماتـــدرين ياالخبــله **** إن الشـعر زينة الحرمه ويعجبني

من شعر غـاده أنا بالحيل منــهبله **** في شعرها تتبع الموضه وتقهرني

وجدي عناده عجيب وماخــذه جـــبله **** حتى مع اقرب صــديقاتي يفشلني

جدي على عصر عاد ومـرتكي لاصــــله **** يأشــــر عليه بحجونه ويرعبني

ياويل ويلي إذا اطريت لــه جمــله **** فيها ولو حرفٍ اعجـم غيريذبحني

يفتل على لحن ماضي جدتـــــي حبله **** باللي مضى ليه ياجــدي مربطني

ياجـــدي العصر هــذا منت من أهله **** هذا زماني وعصـر الفين عاجبني


الشاعره / البندري 2000

--------------------

-

-

-


( 7 )

(نـــــــــــــهر الـــــــــهوى )

بسقيك من نهر الهوى لين تروى **** وابخر ثيابك بعطـــــري واسليك

سقوى غلا مع ذوق مع طيب سلوى **** عـــــهدٍ على روحي بقلبي لخليك

بصير انا والليل للخـل نجوى **** حبيبتك يا نــور عيني تناجــــيك

ولا قلت كافـي قلت باقي تقهوى **** وشـــــلون كافي والحبيبه تقـهويك

وإِن كان غـبت شـوي فيك اتلوى **** وابــلل شماغــك بدمعي وابكيـــك

واعلمك بالذ وق وشـلون تقـوى **** تغيب عــن عيني وانا همــي ارضيك

ثم اسألك في ثقل وش عندك اسوى؟ **** تقـــولي روحـــك وعـينٍ تقــديـك

ويفزلك قــلبي مـثل طـير شـلوى **** وابيع كل الناس بالرخص واشـــريك

لين اجعـلك للبعـد ما عاد تقوى **** وان رحــــت يوم يرجعك طيب مغليك


الشاعره / البندري 2000
منقول[/align]