إتفاقي يتهم منصور البلوي ؟؟

[نواف الفهاد]

من الدمام..أتصل بي مشجع إتفاقي..أسمه..علي الدوسري..
بدأني بالسلام...
وبعد التحية..
سألته...وش رأيك بخروج المنتخب من الكأس الآسيوية بلا نتيجة ؟؟؟
سكت,,ثم قال..
أنا يانواف..كنت أكبر المتشائمين لوضع الكرة السعودية..ولازلت أراهن أن منتخبنا سوف يسقط..ويسقط..
حتى لو زعلت من كلامي..لأنني واثق أن بقاء منصور البلوي هو تدمير للكرة السعودية !!
تفاجأت..وقاطعته..ليه..وش دخل منصور البلوي..ترانا نتكلم عن المنتخب مو عن الأتحاد !!
رد..وبزعل..أدري..أنا قاعد اتكلم عن المنتخب...
قلت..طيب..وش دخل البلوي ؟؟؟
قال..نواف أنا من عشرين سنة..وأنا أتابع..وأشجع وأحضر مباريات المنتخب..ما قد شفت المنتخب بهذا الوضع
إلا في زمن الأحتراف..وملايين منصور البلوي..نواف نحن نسير في نفق مظلم..أنشأه منصور بملايينه التي
كانت السبب في ميول لاعبينا إلى الإستعراض..والتفنن..على حساب فانيلة المنتخب..
كل واحد قاعد يلعب..وهو يقول شوفوني..وعينه على منصور..وعقوده الإحترافيه ...
أخذ نصف لاعبي الأندية..وحطمهم..شف مرزوق العتيبي..مستوى تعبان بالحيل..وين مرزوق أيام الشباب..
وشوف معاي أبراهيم السويد كيف..ماله نفس يلعب..كأنه مجبور..
وشوف معاي..كم لاعب فاوضه منصور..وكم لاعب زاغ عقله بسبب عروض الأتحاد..شوف ياسر..كيف
رجوله تتضارب في بعض..وكيف ماهو راضي يفك الكورة..كله علشان 15 مليون اللي عرضها البلوي....
شوف كيف تكديس اللاعبين في الأتحاد..نصفهم مايحتاجهم الأتحاد..لكن..منصور يروح ويفاوضهم..
ويجيبهم لفريقه..
وإذا أحد تكلم في هذا الموضوع..قالوا..يا أخوي..بكيفه..واللي مامعاه..مايلزمه...
يعني بالله عليك..لو كنت في نادي الخليج أو القادسية وجاك عرض من منصور..وش بتسوي؟؟
أتوقع..ماتنام الليل..ليش؟؟؟؟؟؟
لأن همك صار الفلوس والملايين..والدليل..إن نصف النجوم اللي راحوا للأتحاد..شفهم جالسيين على دكة الأحتياط
والوضع عادي..
يعني..حرام..لاعب مثل كريري..والودعاني..ومسفر القحطاني..والقائمة تطول..كانوا نجوم في أنديتهم...
وعلشان..كم مليون..يضيعون من يدينا..ولا حنا قادرين نسوي شيء....
الوضع يانواف ماهو وضع ميول..وإلا انا أتفاقي..وانت أهلاوي..وهذا هلالي...
لأ..وملييوووووووووون..لأ...
المهم..الوطن مايضيع..
مانصير مسخرة للرايح وللجاي..
أوزباكستان تضحّك العالم علينا...
وتركمانستان تبهذلنا....
والعراق يتمرن على حساب منتخبنا....
والله أن العين كلها علينا..
لو شفت الأخوان في القناة الكويتية الرياضية..وش قالوا..كان أنت أول واحد..تزعل...ويرتفع ضغطك..
قالوا كلام ماينقال..
وعبارات وصلت لحد الإستهزاء....
لكن..معليش..نستاهل..هذا الإحتراف..وهذي فوايده...
ضياع النجوم..وإنعدام المواهب..
ومنتخب..لايستطيع الصمود حتى أمام أضعف المنتخبات...
وأحسن الله عزاؤنا في منتخبنا..
ومنتخبنا..كان زمان...
!!!!!!!!!
!!!!!!!!!
!!!!!!!!!
!!!!!!!!!
إلى هنا..وبعدها وادعني الأخ الاتفاقي..وتركني..أضرب أخماس باسداس..
وأفكر طويلاً...
وكأنني بديت أقتنع بكلامه...
على العموم..يمكن كلامه يكون صح في نظر البعض..
وخطأ في نظر البعض الآخر....
لكنني..وبكل أمانة...أقول...
كلام في محله..وصحيح..
ولكن...............من سيصدق....ومن سيدس رأسه في الأرض,,,
ويردد بكل غباء..اللي مامعاه...مايلزمه ؟؟؟
وشر البلية مايضحك .....:ty: :ty: