[align=center]بسم الله الرحمن الرحيم
يالله حي الرجال اللي تشفق على علوم الرجال ..
سالفتي لكم اليوم يا عيالي ..سالفه قديمه ..واتمنى انها تحوز على استحسانكم..
اولا ..صلوا على خير البرية ..
اللهم الصي واسلم عليه
كان بقديم الزمان رجال عنده ولدين مسميهم ثنينهم محمد ،، وكانت عادته انه مايجامع مرته الا بالشهر مره من يومن خذا المره ،،
وكان عنده راعي يشبه ومثل صوته ،، ومري السنين والسنين وماشيه الامور على أحسن حال ،، ويلاحظ الراعي عادت عمه في مجامعة مرته فوسوس له الشيطان وحده على الشينه ويجي الراعي بيوم من الايام ويروح على المره وكانت الدنيا ليل مايبين الزول ولكن البدو كانوا يعرفون على الصوت وكان هالراعي يشبه صوت عمه ،، المهم وينام مع المره والعياذ بالله ،، ويوم خذا حاجته منه وقوم ورح عنه ،، والمره ماتدري انه ماهو رجله ،، وبعد كم يوم ويجيه رجله يبي ينام معه وقبل لا يجامعه قالت له المره غريبه يافلان هذي أول مره بحياتك انك تجيني مرتين بالشهر ،، قبل كم يوم انت معاي يوم عرف الرجال انه ماهو هو ،، ويقوم عنه مانام معه وقاله خلاص ماني مخرب عادتي وماعلمه انه ماهو هو اللي جاه ،، ومانام معه الا بعد ماجابت المره ويوم جابت أثاريه ولد ...
الرجل يدري انه ماهو ولده ولكن خلاه عنده مايبي يكسر خاطر المره لانه عارف مرته انه شريفه ولكن يدريبه انه ماتدري فعذره وسوا نفسه كأن ماكو شي ،، ويسمي الولد محمد ،، ويكبرون العيال ويمرض الشايب ويوم تعب حيل ويجمع عياله وقالهم الظاهر ان هذا يومي ولكن ابي أترق وصيتي لكم ياعيالي فقالهم محمد يارث ومحمد يارث ومحمد مايارث ،، وحط راسه يالشويب ومات وظلو العيال ماعرفوا منهو منهم اللي ما يارث مع انهم كانوا يتميزمون بالفطنه وشدة الذكاء والفراسه ،، وكان في واحد عارفه انعرف بذكاءه فقررو انهم يروحون عنده على شان يحل مشكلتهم ،،
ويوم مشوا وشدوا وهم بالطريق يوم جاهم رجال وقالهم ماشفتوا لي ناقه مرت بهذا الطريق قال الكبير هي عوره قال الرجال الا والله قال محمد الثاني هي محمول على ظهره سمن ودبس قال الرجل أي بالله وقال محمد الثالث هي مقطوع ذيله قال ايبله صحيح قالو ما شفناه قال شلون ماشفتوه وانتم قلتوا كل مواصفاته ،،قال الا شفتوه قالوا ماشفناه قال خلونا انتحاكم عند عارفه قالوا الاخوان حنا رايحين على عارفه ،، ويوم مشو بالطريق والرجال معاهم وكان يجيهم رجال ثاني لقوه بالطريق قالهم ماشفتولي مره مشت منيه قال محمد الاول هي عرجا قال الرجال الله الله قال محمد الثاني هي حامل قال الرجال عزالله هي قال محمد الثالث شعره طويل قال الرجال هذي مواصفاته أي نعم قالوا ما شفناه قال شلون ماشفتوه وهذي مواصفاته قال الرجال راعي الناقه يارجال هم انا سوو معي كذا بس أنا ماشفته معاهم ،، قال راعي الناقه حنا نبي نتحاكم عند العارفه فلان امش معنا ،،،، وهم يتخاوون كلهم ............
طبعاً هذولا الاخوان عرفوا كل هذي الصفات بفراستهم ،، ويوم وصلوا للعارفه كان وقت العصر وهو يهليبهم وكان ينط الرجال راعي الناقه قال انا جاي طلاب ومستعجل ابي آخذ حقي وامشي قال العارفه شعندك ويسولف له السالفه اللي حصلت معاه مع الاخوان كان يسألهم العارفه قال شلون قلتوا هذي المواصفات وتقولون ماشفناه قال محمد الاول انا قلت هي عوره لاني شفت الزرع ماكول منه طرف والطرف الثاني ماهو ماكول ،، وقال محمد الثاني انا قلت انه محمول على ظهره سمن ودبس لاني شفت الدود والذبان يمشي بطريق الناقه فعرفت انه عليه سمن ودبس وقال محمد الثالث أنا قلت ان ذيله مقطوع للني شفت روثه متجمع ولو كان ذيله مو مقطوع كان فرقته ،، قال العارفه مالك شي عندهم ومشى الرجال ما حصل شي ،،
وقام راعي المره وقال انا ابي حقي وهو يسولف للقاضي ماحصل معه كان قال محمد الاول انا قلت انه عرجا لاني شفت اثر مشيه ،، رجل مشيه صح والثانيه مفترقه عنه وبعيده شوي ،، وقال محمد الثاني انا قلت انه حامل لاني شفت أثر الارض طبعت الرجل باينه حيل فعرفت انه ثقيله وعرفت انه حامل ،، وقال محمد الثالث انا قلت ان شعره طويل لاني شفت اثر الارض تقل كانسته بشعره قال القاضي مالك شي عندهم ،،
وقال القاضي انتم شعندكم وهم يقولون له قصتهم وانهم يبون يعرفون منهو اللي ما يارث منهم،، قالهم اصبرولي ،، وبهالوقت صارت الدنيا ليل ،، وشوي كان يجيبلهم ذبيحتهم وقلطهم عليه وراح وخلاهم ماتعشا معهم ولكنه ضل ورى بيت الشعر يبي يسمع سوالفهم ،، قال محمد الاول ذبيحتنا راضعته كلبه ،، وقال الثاني معزبتنا نجسه ،، وقال محمد الثالث معزبنا ابن حرام ،،
وكان يروح العارفه يبي يتأكد بنفسه وهو يروح على الراعي قاله وشي الذبيحه هذي قال ياعمي هذي أمه ماتت ورضعت كلبه وهو يروح على مرته قال انتي نجسه قالت ايوالله على جنابه كان يتأكد من كلام محمد الاول والثاني وراح يبي يسأل أمه وهو خايف لانه تأكد من كلام أثنين وخايف لا يطلع كلام الثالث صحيح ،، ويو راح قال لأمه منهو ابوي قالت يا وليدي عين خير قاله علميني منو انا ومنهو ابوي لاذبحك قالت والله ياوليدي كذا وكذا السالفه وعرف انه ولد حرام ،،
وبعد ما تأكد كان يروح على ضيوفه قال منهو اللي قال ذبيحتنا راضعته كلبه قال محمد الاول انا قال القاضي انت تارث ،، وقال منهو اللي قال معزبتنا نجسه قال محمد الثاني انا قال القاضي انت تارث ،، وقال القاضي عجل انت اللي قلت معزبنا ابن حرام قال أي نعم قال انت ماتارث ،، لان مايعرف ابن الحرام الا ابن الحرام اللي مثله ،، وعرفوا الاخوان محمد منهو اللي قصده أبوهم بأنه مايورث ،،
أرجوا أن تنال أعجابكم ،، وللجميع التحيه
اخوكم/ مدلول[/align]
المواضيع المتشابهه
العرض الشجري