[align=center]بسم الله الرحمن الرحيم
السلام عليكم ورحمت الله وبركاته
اصبح وامسي على الجميع بالخير
اخواني موضوع من فتره وانا افكر
ان اطرحه عليكم يمكن احد من المسؤولين
يدخل ويقرأه ويلقى حل
شخص يتحدث ويقول:
انا مواطن متزوج رزقت بوظيفه في القطاع الخاص
مناسبه لي على قدر شهادتي في منطقة الجبيل
اف يالجبيل حلم هالمدينه الصناعيه الرائعه
اتقاضى مرتب وقدره ( 3000 ) ريال ياربي لك الحمد
زوجتي عند اهلي في منطقه بعيده عن منطقة عملي
لحين ارتب نفسي وأئتي بها الى منطقتي للاستقر عن عنا الطريق
ذهبت ابحث عن شقه تلمني انا وزوجتي لاستأجرها
ومن هنى بدأت المعاناه فريت الجبيل شارع شارع
عماره عماره ابحث عن شقه للاجار لا أقول لكم
انني لم اجد بل وجدت لكن الاسعار فـــــــــوق
وانا ادور شقه على قد حالي المهم لقيت شقه
ارخص شي بأجار سنوي ( 15000 ) ريال
اخذت قرض من البنك لان علي بعض المديونيات
سددتها كلها والحمد لله
استأجرتها واثثتها وجبت المدام وعشنا والحمد لله
مع ان الاجار غالي بس قلت اهم شي الانسان يرتاح شوي
وامور الدنيا الباقيه محلوله
قام البنك بخصم مبلغ ( 1030 ) ريال من مرتبي
لتسديد القرض على اقصاد شهريه
باقي من الراتب ( 1970 ) ريال ياربي لك الحمد
فاتورة الكهرباء ( 200 ) ريال
باقي من الراتب ( 1770 ) ريال ياربي لك الحمد
مونت الشهر مع ان الاسعار فوق ( 700 ) ريال
باقي من الراتب ( 1070 ) ريال ياربي لك الحمد
بانزين السياره ومصاريفها ( 300 ) ريال
باقي من الراتب ( 770 ) ريال ياربي لك الحمد
حواله لأمي ( 500 ) ريال
باقي من الراتب ( 270 ) ريال ياربي لك الحمد
مصاريف روحه وجيه وطلعه ( 200 ) ريال
باقي من الراتب ( 70 ) ريال ياربي لك الحمد
طبعا المصروفات هذي كلها اول الشهر
يعني الى 10 الشهر باقي على الراتب 20 يوم
والحمد لله عايش
بعد فتره من الزمن ليست بالطويله
اصدر خادم الحرمين الشريفين
امر بزيادة الرواتب
طبعا لموظفين القطاع الحكومي
وحنى ياموظفين القطاع الخاص الله لنا
ومن اعلان الزياده وحنا مشعللين الاسعار صارت دبل
اول الخير الاجار زاد صار ( 18000 ) ريال
المونه صرت اجيب بعض الاغراض ماهو مثل قبل
يعني ( 1000 ) ريال وماتسوي شي
ايش بعد وايش بخلي
يعني ( 70 ) ريال اللي كانت تبقى معي زايده
من راتبي قبل صرت اتمناها صرت اتسلف عشان نعيش
سؤال ؟
هل بالحاله هذي نقدر نأمن مستقبل لنا ولاولادنا
نقدر نجمع مال نقدر نغتني نقدر نعيش بسعاده
هل وهل وهل وهل وهل ؟
وعلى طاري زيادة الاسعار
الخبازين رفعو اسعارهم
قبل الريال فيه رغيفين خبز والحين الرغيف برياااااااال
زياده 100%
وعايشين ياربي لك الحمد
اتمنى من اي شخص اذا سمع بمعاناتي انه يتكلم فيها
ويحكي فيه عند زملائه عند احد يمكن توصل للمسؤولين
ويلقون لنا حل نحن ذوي الدخل المحدود لاننا نريد ان نعيش
احبتي هذا الكلام منقول عن الشخص نفسه
صاحب القضيه هذي
طلب مني ان اطرحها له في المنتدى لعل وعسى
ان يقرئها احد من المسؤولين ويجد لها حل
صراحه انا اقوله ارجع عند اهلك
بلا جبيل بلا وظيفه بلا هم
بدال لاتصيرله عز صارتله زيادة فقر
انتو شنو رأيكم[/align]
المواضيع المتشابهه
الخباز رفع سعره
العرض الشجري