<< أمــــــل >> فيصل اللويش

[فيصل اللويش]

[poem=font="Simplified Arabic,4,white,bold,normal" bkcolor="coral" bkimage="backgrounds/21.gif" border="double,2,indigo" type=2 line=0 align=center use=ex num="0,black"]
غرو أختلـط جـده مـع هزلـه = وسط الحشـى دقـدق مساميـره


لامن مشـى كـل ٍ يطالـع لـه = حتـى عيونـي مـن جماهيـره


من الجيد طلعه.. للبطـن نزلـه = طلعه ونزله..صعـب تصويـره


للصبح في جيـده (يابـو هدلـه) = شمس ٍ بهـا حمـره وتصفيـره


أفرح بشوفه كيـف فـي وصلـه = ياقبـلـة الله ســرع تأثـيـره


أستصعبـه وأ"قــول ياسهـلـه = أثـر البلـى عقلـي وتفكـيـره


بعض السوالـف بالعقـل خبلـه = وينـي ووينـه ... يالله الخيـره


قلبي تعب وأتعبـت فـي عذلـه = غصـبٍ يفـز ويفتـح السيـره


مجنون ابو فصل الهوى واصلـه = بـاب انفتـح وشلـون تسكيـره


عنتر سبقنا ومـات فـي عبلـه = والمـوت لـه سكـره وتكشيـره


لامن مشى يمشـي علـى مهلـه = ريـم ٍ وظلـه لاسهـى يذيـره


لامـر ...ماكملـت لـك جملـه = منهـو يشوفـه يضيـع تعبيـره


أدعج ..غنج.. ملهـوف مامثلـه = لامر ... عينـك ماتبـي غيـره


لاشفت زولـه... ملـح ٍ وقبلـه = منحاش مـن جـرف ٍ لدحديـره


خصره يحق الورك فـي عدلـه = ظالم وخصـره بـان تقصيـره


فسـتـان ماينـفـع ولابـدلـه = وركـه تهـاوش مـع تنانيـره


والسـاق مبـروم ٍ وبـه فتـلـه = فـوق القـدم بشـوي تـدويـره


قطع قلـوب النـاس فـي بخلـه = شره طمر غصب ٍ علـى خيـره


والموت رسـم العيـن والكحلـه = رسمـة حجاجـه حـل تكفيـره


والرمش قاسـي مدبـب ٍ نصلـه = معكـوف متعـوب ٍ بتحضيـره


لامـن ضحـك غمازتـه وجلـه = وسط الخـدود تشـوف تحفيـره


لامـن تكلـم أذتــه خصـلـه = تقطـع حديثـه حـب ٍ وغيـره


كـل مارفعهـا ترجـع النـذلـه = تقطـع حديثـه شـك ٍ وحيـره


مليـانـة ٍ متنـيـه منفصـلـه = والا الكفـوف تـشـع تنـويـره


أصابـعـه ألـمـاس منعـزلـه = كـن الاظافـر وسطهـا ليـره


كن الشعـر ليـل ٍ تعـب سدلـه = من الراس لين الـورك تقديـره


لامـال فـرت خصلتـه عجلـه = ولادار راسه... كـرت مغيـره


لامـن تبسـم حـل لـك قتلـه = لامايوطـوط لاضحـك طـيـره


شفه فـرات ... وشفـة ٍ دجلـه = (ثلج ٍ جمر) فمه (علـى بيـره)


عيـن ٍ تشوفـه تنكسـر خجلـه = طـاغـي ولاتتحمـلـه ديــره


كان الحسن خيلٍ قضـب حبلـه = ملح الخليج ... وسكـر الحيـره


وش جاب له سوسن معـا نهلـه = وش جاب له سلمى مـع منيـره


دلو ٍ وشـح العـذب فـي جدلـه = لين رجعت ( خمص ٍ ) عصافيره


قلبـي لـه المربـاع والربـلـه = خـل تطـارد بــه مغاتـيـره


كنـه قصيـدة شاعـر ٍ جزلـه = دلـه تقـنـد مــن مباهـيـره


دامه (أمل ) عمري و(أمل) وصله = بصبر عليه ... وجعلهـا خيـره[/poem]