ويش جرى لكم يا شباب الخفجي ؟؟

[الصخرة]

[align=center]قاعد في البيت الموية مقطوع مثل حال كل الخفجي هذة اليومين والورعان يصيحون الا شوية الكهرب انقطع اخوكم من سكان التملك طبعآ تعرفون مغامراتنا الي ما تخلص مع الكهرب والشركه وهذة الدوامة الي ما تخلص اتفقنا نطلع من البيت لا كهرب ولا موية طلعنا من البيت الا وذيك والسيارة وذالك الصوت الي يخر الجبال ويفقع الأذن ويا كثرهم هذة الأيام ودي اسئل عن موقف الدوريات والمرور منهم والله يمرون الساعة 2 الفجر واحيان 3 بسياراتهم وصوت الشكمان ولا صوت المدفعية طيب يا ناس في شيبان وامراض وفي ورعان نيام في البيوت طيب وين اهاليهم هذول يدوجون في الشوارع على هذا الحال اذكر مرة قلت لواحد عند الأشارة وانا مبتسم يا خوي ويش الصوت هذا ازعجتنا الله يرحم والديك تدرون ويش رد علي قال اقول خلك رجال وامش في طريقك لا يجيك علمآ ما تتوقعة ولا تعرفة حسيت ان الرجال طالع من بيته وناوي مشاكل وحسيت لو رديت علية ان الأمور بتنفلت من ايدينا وندخل في هوشة كبيرة خاصه ومعه في السيارة اخوياه ثلاثة من حقين القبابيع والبيبسي بيد والزجارة بيد ويطالعون لي بنص عين قلت الله يهديكم وولعت الأشارة خضراء وما صدقت ابي الفكة منهم ومشيت من عندهم وذيل وراي ويضحكون ويتمسخرون علي لا حول ولا قوة الا بالله
وقبل يعدون داس بنزين الا وذاك الصوت والله الورع عندي يبكي في السيارة من الخوف وقفت على جنب على شان يمرون والورعان يطالعون فيني ويقولو نبي البيت يوبه قلت وانا مثلكم الله يكفينا شرهم وشر من مثلهم ولا حول ولا قوة الا بالله
ودي اسئلكم يا اخوان ايش موقف الدوريات منهم ؟؟
ووين اهاليهم هذول ويعني ما يشوفوهم بهذا الحال ؟؟
ايش احسن طريقة لتعامل معهم النصيحة او القوة ؟؟
احيان اقول هذولا مو من الخفجي ما خبرناهم كذا شباب الخفجي ؟؟[/align]