الجـزل سمـي عندكـم تقليـدي .. !!

[ماجد المري]

[align=center]السلام عليكم ورحمة الله وبركاته

::

قصيدة للشاعر \ مباركـ ال خليفه .. يحاكي بها " شاعر المليون " ..

::

[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـا مشجعيـن الصـوره الفنيّـه=يامـا جـرى للـوزن والقافـيّـه
الجـزل سمـي عندكـم تقليـدي=وتقريـري وقصيـدتـه عـاديـه
طيب وعادي ؟؟ ويش فيها عادي؟=؟يعني استعاراته مهـي مكنيـه ؟؟
سهل القصيد الزيـن مـا يقنعكـم=امـا المعقّـد حالـه ابداعيـه !!
حالة مرض يلعـن ابوهـا حالـه=مـابـه دوا للعـقـده النفسـيـه
اجل يجوز ان الكـذاب يصـدق؟؟=وتكذبـون الصـدق والعفويـه؟؟
خربتوا افكـار الجميـع وخربـت=اراء كـل السـاحـه الشعبـيـه
كل ٍ رسم له فـي خيالـه صـوره=واهتم في المنظر وفـي الخلفيـه
يلـطـخ الالــوان وردي وازرق=ولا شفتهـا واليـا انهـا بنيّـه !!
الغيـم فيهـا والجبـل والشاطـي=والفـرد والرشـاش والجنبـيـه
آيه تعـب جـدا وجـاب جهـوده=واضفا عليها الخلطـه السحريـه
ولا جيت بتحلـل بعـض مافيهـا=أوعدك مـا تلقـى بهـا ماريّـه
لو تسأله هذي وشنهـي؟ جـاوب=هذي سبـب للصـوره الرمزيـه
طيب وهذي ؟ قال هـذي مـدري=لكنهـا تصلـح مـع هـاذيـه !!
يشوف خبلان البشـر وش سـوو=اوكـلٍ علـى ماقيـل مثـل أخيّـه
اوحى الموسيقى عاليـه واطربتـه=حامض حلو لومي وهـاي وهيّـه
وشاف العرب غنوا وقـام وغنّـا=ويجيبـهـا شامـيـة ٍ عامـيـه
خبلان خلـق الله قـذوا خلـق الله=والنـاس لا رحمـه ولا مـاويّـه
مع الجديد ان بـان قالـوا مثلـه=على عماهـا صـوب كـل نحيّـه
معه معه حتـى لـو انـه ضايـع=وتعمـمـت نظـراتـه الذاتـيـه
ضيعه عقل ضيعة عمـر الا اكبـر=ضيعة وجود وطمـس للشخصيـه
ما يعرف المتبـوع هـو والتابـع=وتساوت الحسنـه بجنـب السيّـه
ما اخص موضوع الشعر بلحالـه=الا بـكـل الـكـوره الارضـيّـه
الا الجميـل نشجـعـه ونحـبـه=اللي على الصدق وصفـاة النيـه
في الدين والدنيا يا طيـب الطيّـب=واهل الوفا واجد ما هـم بشويـه
والشعر زينه زيـن والا الامحـق=ماهوب كفـو الوقفـه المسميـه
سوالفـه مسفوطـه ومتـروكـه=ماهيـب مسموعـه ولا مرئـيـه
واهل الجزالـه شانهـم ماينـزل=لو كثرت المجموعـه الشمسيـه
الجـزل يبقـى جـزل ويمتعـنـا=وياحي راعـي الطيبـه يـا حيـه
وانا علـى رايـي كتبـت بيوتـي=وقناعتـي مـا خذتهـا عـاريـه[/poem]

::

وجهـــة نظــــر .. !!

::

مـــــــاجد ..!![/align]