(الـــمـــطــــار) لـــ ِ الـــشـــاعـــر فـــهـــد الـــمـــســـاعـــد

[بـــقـــايـــا حـــي]

بسم الله الرحمن الرحيم




دائما ً ما يتحفنا الشاعر المتألق فهد المساعد بقصائد في غاية الجمال و الروعة



ولكن حبيت أن أنقل لكم إحدى قصائده القديمة نوعا ً ما



فـ إليكم القصيدة :




[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
قبل أسافر كنت جالس في زمان الإنتظار=أرتشف هم المكان و كل همي حاجتين

كنت خايف من يباس و كنت خايف من خضار=كنت أخاف إنك تجين و كنت خايف ما تجين

لين شفتك من ورى بيبان صالات المطار=مقبلة من كثر شوقك كنت أشوفك تركضين

مرة(ن) ركضك يمين و نظرة عيونك يسار=و مرة(ن) ركضك يسار و نظرة عيونك يمين

تايهة ما كنك إلا ضحكة(ن) وسط إنكسار=ساكتة ما كنك إلا دمعة(ن) فيها حنين

خايفة, وجلة, حزينة, يعني كنتي بـ إختصار=تشرحين لكل جاهل معنى كلمة عاشقين

بعدها جيتك و لدّت عينك و دار الحوار=من كفوفي دمعتين و من كفوفك دمعتين

كنت أصد و كنتي إنتي ثايرة مثل الشرار=ما على لدغة لسانك غير كلمة وين؟ وين؟

و أذكر إني رحت قبل أبدي لك أيّة إعتذار=رحت حتى قبل أطيب خاطرك في كلمتين

لكن إنتي عارفتني زين و اللي صار صار=سامحيني و إذكريني قد ما إنتي تقدرين

إذكريني لا إنتهت للشمس رحلة مع نهار=و إذكريني لا صحى للصبح ورد الياسمين

و إذكريني لا لمحتي في ليالي البرد نار=و إذكريني لا سمعتي للمطر صوت(ن) حزين

و إذكريني و إذكريني و إذكريني ... بـ إختصار!=إذكري فهد المساعد قد ما إنتي تقدرين[/poem]








تقبلوا تحياتي