أنـــا .. ضــدي .. معـــاه ..!!

[ماجد المري]

[align=center]السلام عليكم ورحمة الله وبركاته

::

لقلوبكم الكريمه .. هذا النص البخيل .. !!

::

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
نوّري يا ليلة الشوق لـو ليلـك عتيـم=دام ما جاني كفاني قبـل وقـت الصـلاه
عقب ما طال الجفا جا مثل همس النسيـم=صوت من يجـرح فـؤادي وبيدينـه دواه
"مرحبا يا حـي هالصـوت والله العظيـم=كنت ميّت بـس هالحيـن دبـت بي حيـاه
صوت من حبّـه بداخـل معاليقـي مقيـم=لو يجي غيره ملايين مـا شـيءٍ محـاه"
في وصوفه ما يخليـه بأوصافـه عديـم=يعني إن جيت أختصر قلت هو سر الحيـاه
كل ما يقسـى تطبّعـت بالطبـع الحليـم=وآتلهوا عن طواريه لو مـا لـي غنـاه
يخطي بحقّـي لكاعـه ولا عيّـن خصيـم=دام قلبي والجوارح وأنا .. ضـدي معـاه
فيه نور الصبح مدمـوج بالليـل البهيـم=وفيه لولوّ البحر من ورى حمـر الشفـاه
لا حكا يرتاع قلبـي أحسـب أنّـه سقيـم=أثر كسرت حاجبه لا نظرتـه مـن حيـاه
لا مشى عكس التمايل وعكس المستقيـم=وإن وقف كنه يتشعّى وهو ما لـه طـراه
إن رضى كنه السعاده على وجـه اليتيـم=وإن زعل ما جاء على البال يا كون الطغاه
أيـه أحبّـه والمحبّـه شقـا والله عليـم=بس وينه جعلني مع معاليقـي فـداه ..؟؟
لي ثلاث سنين منّه وأنـا مـا لـي نديـم=من عقب ما راح غصبا وأنا واقـف وراه
البلا والموت والشيـن والوضـع العقيـم=لا حصل فرقـا حبيبـك ولا بيـدك سـواه
آااه يا حيّ التفـدّي مـن شفـاه الكريـم=قاله اللي ما بقا لـه سـوى ترديـد آااه
القهر .. شوفك حبيبك وهو ملك الغريـم=وأنت تحسب كل لحظه على رجـوا لقـاه[/poem]

::

مـــــاجد ..!![/align]