شهيده عمرها شهر

[نايف مهدي]

أعذروني على بعض الأخطاء الأملائيه فيه فتحات وكسرات وتشديد التشديد حليناه بتدبيل الحرف لكن الباقي المعذره















[poem=font="Simplified Arabic,7,darkred,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]

أدري الفرج أول بداياته الصبر=وأحيان صبري لا نفذ جا قصيده
يالله صبرني فلا عاد أقدر=لو ما كتبت الجرح بيين صديده
بنتً لها بالعمر يا صاحبي شهر=بنتً ذبحها الغدر قللي تفيده؟
صوره تبي تكبير والحال مجهر=يا صاحبي لو شفتها بالجريده
جلسة أطالعها و وجهي تغير=والنار في جوفي تلاهب وقيده
جلسة أفكر أصبر شوي وانظر=والحال قام يسيح منها جليده
تخيل الصوره معي بوصفً أكثر=من مشهداً يبكي القلوب الحميده
من وجهها كن التباشير تنثر=صورة رضيعه والبراءه تليده
لو شافها قلب الدنس غصب يطهر=وجهً عيونه ما عرفت شكل ديده
خلت المكان اللي حواليه أثمر=غرير نايم بانكساره سعيده
أحضان أمه من تضمه يكشر=بانت لهاته من حنانً يزيده
لو ما أشوف الدم فيها تخثر=أقول في نفسي براءه فريده
وشلون أجاوب روحها واتعذر؟=حلمي بها كل يوم أرجع و اعيده
وش ذنبها السفاح بيديه تنحر؟=يا غبنة المقهور دايم شديده
لو فيه غيره عقلنا ليت يخبر=منهو تذرى من الصهايين بيده
تبخرت من عقلكم غيرة الحر!=أطفال الأقصى للخنازير صيده
منهو سمع في يوم أنه تضرر=في طفلةً بالمهد تعرف مكيده
تقدر تشيل سلاح وإلا تفجر=وشلون ؟حتى مشيته ما تجيده!
درويشة الأحوال ما تعرف الشر=مدري شقية عمر وإلا رغيده
في قتلها قلب اليهودي تحجر=أرواحنا صارت عليهم زهيده
وفجأه خيالي عنها قام يذكر=كن الوريد اللي بيديني وريده
يا نخلةً لا من بكت تذرف التمر=و إذا تموت يموت با قي جريده
حطيت حالي في محله و أبرر=كنه رسايل مرسله من بريده
أسأل و أجاوب عنها و أتصور=و اكتب اجابتها قوافي رشيده
عندي سبب واحد و لا يعني الفقر=اجابتي تقنع عقولً بليده
جيلً من الأبطال في عهدهم نصر=الذنب يمكن أنني له حفيده
جيلً فتح كل الجزيره إلى مصر=ومن مصر يمتد امتداده بعيده
جيلً جيوشه نوره العين يجهر=وإذا سمحلي الجيل اباهدي نشيده
كل ما ردمتوا نهر يطلعلكم بحر=يولد ولايد لا ذبحتوا وليده
من فكره الأيمان فكره تجوهر=وإيماننا بالله عامر رصيده
تمثيلكم دور الصناديد يقهر=ما غيرنا دور الشجاعه يجيده
وعيونكم بالذعر بالغصب تسهر=من خوفكم مننا أرآني شهيده
البتر يومه يب يجي غصب يظهر=والغرغرينه طولت في وعيده
والحق سيفه في يد الحق يشهر=ما ينفع الغرقد لو أنك تشيده
متى المؤذن يتلي الله و أكبر=بالمسجد الأقصى ويرقى صعيده
أدري بأنا آخر الأمر نظفر=وهذا اختبارك للقلوب العنيده
من رحمتك يا رب للعبد تنذر= آيات ماهي شوي ياهي عديده
ياللي نصرة الضعف في معركة بدر=يالله نبغاها رويداً رويده
يا الله موتاهم فلا يدخل القبر=واحيائهم بالأرض امرك يبيده
كل من تكبر عن عقيدتك يكفر=أنه يجي منهو يحبه فقيده
جاوبتكم بلسانها والأمل مر=وانا اتذكر بالعصور المجيده
وباقي ابوح الحلم واوضح الأمر=حلمً تربع بالمعاليق سيده
كل ما كبرت الحلم يا خوي يكبر=مع كل سنه يقرب صداه ورعيده
إنا كأمه واحده ما تقهقر=حنا لنا قرآن واصدق عقيده
لو تشبه الجمعه عدد صلو الفجر=قولو لبني صهيون توديع عيده
يا ملوكنا يا شيوخنا اقبلو شكر=من مسلمً حلمه برايه وحيده
[/poem]



أخوكم


نايف الفدعاني