|
تكفين يمه لا تطيحين قومي !!
تكفين يمـه لا تطيحيـن قومـي
قومي عشان الليل يلبـس وقـارة
تكفين قومي .. لا تزيدي همومـي
اللي كوت قلبي بضيمـك ونـاره
يافرحة سنيني . وصبحي ويومـي
يامن حنينك .. ما يقـاوم شعـاره
طحتي وطاحت من مطيحك عزومي
والصدر طيح عن ضلوعي جـداره
من كربتك ضاقت علـي هدومـي
والدمع حاصرني وشـدد حصـاره
لا الزاد طايب لي ولا لـذ نومـي
لين السهر خلف فوجهـي امـارة
ويالله ياللي لك صلاتي وصومـي
ياخالق اانسـان باحلـى مهـارة
تشفي التي عاشت مرار السمومي
وذاقت من الآلآم تـاره .. وتـاره
وانت الذي وحدك حنون ورحومي
ومن يرتجي غيرك يذوق الخسارة
وتكفين يمـه لاتطيحيـن قومـي
قومي عشان الكون يلبس وقـاره
يافرحة سنيني وصبحـي ويومـي
ويالولوة تذكار .. وياقلب سـاره
الشااااعرة .. تذكااااار الخثلااااان ،،
آخر تعديل عشق الشمال يوم 19-04-2008 في 04:22 AM.
|
المواضيع المتشابهه
العرض الشجري