[align=center] هذي القصيده...للأخ الشاعر ناصر الوبير...حبيت اني انقلها لكم للمتعه..
القلب جف من الغـلا والمحبّـه
وين انت ياللي دايم الدوم ترويـه
والقلب ضاق وكنه بوسـط غبّـه
وانا اذكر انه ياتضايـق تسليـه
حرام تتركني ومـن دون سبّـه
وتغيب ماندري على وين أو ليـه
من كثر ماحبك احب مـن تحبّـه
واغلي من اجلك من توده وتغليه
جرح الغياب اتعبني وين القى طبّه
والظاهر انه يبطي محدن يداويـه
من كثر ماناديك مـع كـل هبَّـه
ضاع الاسم عندي واناديك ياهيـه
ومن كثر ما ابني امل ثـم اذبّـه
بديت احس ان الامل خاب راجيه
اقول يرجع وادري بالعون كذبّـه
اكذب على قلبي واحـاول الهيـه
لحظه قبل لختـم ابطلِبـك طِلبّـه
انك ليا شفت القصيـد ومعانيـه
ترسل رساله عن غياب المحبّـه
على الأقل أعرف على وين أو ليه
الشاعر:ناصر الوبير..[/align]
المواضيع المتشابهه
حلاام تتركني...
العرض الشجري