لقلوبكم تشتاق الأحرف

[خليل الشهري]

[align=center]السلام عليكم ورحمة الله وبركاته..

وبعد غيم إستقبالكم. ..هاهي أحرفي تحت زخات قلوبكم العطرة..
وبعد
سامي الشمري لأنه يعلم أن له في قلبي مكان الأخ منحني فرصة التنفس هنا

أتشرف بوجودي بينكم دمتم بكل الحب


وكل العذر على تأخري











تعبت استأصل ايامي من ايامي واجي مسـرور
.................تعبت آمرر اعذاري على شفاهي مثـل غيمـة
تعبت ابارك غيابك واقول ان الغيـاب حضـور
.................تعبت آغيِّب جروحي واقول ان الصبر شيمـة
انا المركون في صدر السواحل والبحر ميسور
.................انا ذاك السراب اللي ضحك من سالفـة ديمـة
هنااوالحالك المضني يجي من آخـري مجبـور
................يرتبني الوبر صبحٍ على ذيـك القـرى خيمـة
اخيط من الأمل فَيَّة ولا القى غير ذاك السـور
...............وهو من قلة حظوظه تهـاوى قبـل ترميمـه
وتذكرني غصون الناس إذا كان الطهر عصفور
................اجي من مشرق اخلاقي افـج نحـور تعتيمـه
رميت الجوع في بطن الرغيف ومَا اهْتنا تنور.
...................قبل لايمدّ لي يـدّه جهـرت بسـر تقسيمـه..
اشوف الناس من حولي ملامح من بقايا قصور
...............يفتت حزنها البارود تجفـل لـ اطلقـوا ريمـة
تطاولت المكان اشهق قبـل لاتحتضربـي دور
.................وقلت النعش يا فقري هنـا يحتـاج توسيمـه
صباحك غير ياقلب تقهـوى غربتـي مقهـور
.................عزفه الهيل لشفاهـي وانـا اتعلـل ترانيمـه
تخطَّفت النجوم احكام صغت من الضيا دستـور
................وقلت العيب لو صبحي رضخ لـ اقوال تنجيمـه
احبك ينفتح صدري بـلاد وراسخـات جـذور
..................احبك ينخنق صبـري بعـاد وحلـم ياضيمـه
مابين الحب والفاقة رضخت لمعطيات غـرور
...................لذا اخرت لك شوقي قبـل لااسعـى لتقديمـه
احس ان الحكي جثة وصدر الحابسيـن قبـور
...................عظام ونشرَها صدقك وزور الحكـي تهشيمـه
واشوف الغيم دخانك بَياض واسـوده ممطـور
...................هيا الاشياء تتناقض كمـا قـل الحكـي قيمـة
وانا مابين صداتك وسيف حظوظي المكسـور
..................سهرت وغمد نزواتي يسامـر حلـم تحطيمـه

..
.
.[/align]