هدية لعيون الرائدية ( من اللويش )

[فيصل اللويش]

[align=center]السلام عليكم ورحمة الله وبركاته


أخواني أعضاء الرائدية


أولا اعتذر عن غيبتي عن المنتدى وذلك بسبب انشغالي الدائم

ولكن هذه هدية لمنتدى الرائدية عبارة عن آخر قصديه كتبتها

ولم يقرأها إلا انتم


واتمنى ان تحوز على راضكم


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يمه يا نبع العواطف منبع الطيبه = يا راحة الشوف والوجدان يا يمه

انتي لي الشمس لاهدتني الغيبه = وأنتي وساع الصدر لاضاق في همه

يارحمة الله بأرض طال تعذيبه = يانفحةٍ ماتعبت أموت وأشمه

لامن ذكرتك يطول القلب تغريبه = في غربته مايحس بكل من ضمه

باسمك أهوجس وذكرك دايم احكيبه = لامن ذكرتك يفز القلب وألمه

منهو ليا من نزل دمعه يلهي به = لا مابخل في دموع العين أو دمه

الله يسامح زمان أظهر مخاليبه = صوبني في بر أمي هافي الذمه

الطير يوم انولد وأمه تعشي به = سبحان من سخره لامه فتح فمه

والعش لو هدده دابٍ ولا تسيبه = تفدي ضناها بصدر ٍ ماخشى سمه

جرح الندم ما برى لو عاد تطبيبه = مثل العمى ما يشوف اللي جلس يمه

يمه ترى خافق بي طال تأنيبه = ملت ضلوعي من الخفاق لا تزمه

ياثقل ذنبٍ غشاه الشك والريبه = امسكت حياتي سوادٍ زايدٍ غمه

راسك أنا لاغزا مجدولك الشيبه = ورجليك أنا في وداع الحيل والهمه

للقلب وقفه ولو كثرت عذاريبه = عذروبه البحر والوقفات هي يمه

والقلب لو اعترف للناس في عيبه = مايستره لو تخبي في طرف كمه

عند الله الام له تقدير ٍ وهيبه = والعبد لازم يخاف الله في أمه[/poem][/align]