هذي طريقة جدا سريعة وبسيطة وراح تعجبكم انشاء الله
اليكم المقادير:
دجاج مقطع مربعات صغيرة (تبلية بالبصل والبهارات والفلفل الاسود والملح وسوية عالنار الين يستوي يصير جاهز للحشو)
علبة قشطة
2-3 ملعقة مايونيز
2-3 ملعقة جبنة سايلة
مربعات طماطم
عيش الهمبرجر
الطريقة:
طبعا اول شي يكون الدجاج مستوي وجاهز
تجيبي العيش تقطعة بالنص كانك بتقسمية لشخصين
وتفرغية من اللب الين يصير في مكان للحشو بس لا تثقبية من الطرف الثاني انتبهي
تحطي ملعقة صغيرة مربعات طماطم في الاسفل
بعدين تعبي السندوتش من حشوة الدجاج قد ماتبغي تحشية
بعدين تخلطي (القشطة+المايونيز+الجبنة السايلة) وتحطي ملعقة على وجة السندوتش من هذا الخليط الين يتغطى الدجاج
وهكذا مع كل الباقي
بعدين ترصيهم في صينية فرن بشكل يكون فتحة السندوتش للاعلى واتجاة خليط القشطة للاعلى
وتحطى الصينية في الفرن الين تتحمص السندوتشات وتسيح الطبقة الي فوق
طلعيها من الفرن وقدميها مباشرة وهية ساخنة
وجبة خفيفة ولذيذة
المواضيع المتشابهه
سندويشات دجاج لذيذة جدا ومجربة
العرض الشجري