ياجعل برق ٍتعاقب صوب غربيّـه

[برق المخيله]

[align=center]ياجعل برق ٍتعاقب صوب غربيّـه
جعله على ديرة المجمول يسقيها
على جبال السراه ا ويهـل عصريّـه
دار ٍ رِبة صاحبي سقيت روابيها
قلبي على حبهم ما يخلف النيّـه
حبٍ بشع بالعروق وساكن ٍ فيهـا
ياريف عمري مثل هتّان وسميّـه
نبت النِّصي والنِّفل والشيح عاليها
راعي قرون ٍعلى الامتان مطويّه
طي الرشا يوم تطوى في سوانيها
وراعي نهودٍ تشابه بيض قمريّـه
زين التهايا وزين الملح كاسيهـا
وراعي خديدٍ يشادي برق ليليّـه
برّاق مزن ٍ تراهش في مناشيهـا
والعين عين اكحل ٍ بالزين حوريّه
كن الولي ماخلق غيره مسويهـا
عزي لقلبٍ ثعت فيـه السنافيّـه
ثعيت فريق ٍ هجدها قوم غازيهـا
بون ونّة قريص ٍ صابتـه حيّـه
ولاّ نفوس ٍ بكت من فقد غاليهـا
على وليفٍ ملك قلبـي ولا زيّـه
يالله انا طالبـك يـارب تحميهـا
عيني عقب غيبته صارت شقاويّه
تسامر الليل نوم النـاس جافيهـا
يازين لاتجزي الحسنات بالسيّـه
ماهوب حق ٍ على عيني تشقيهـا
حظي عقد ليِّة ٍ من دونهـا ليّـه
الله ولا عقدةٍ تصعـب مناويهـا
[/align]