[align=center]السلام عليكم
مساكم الله بالخير
أقدم لكم ديوان للشاعرة المرحومة / عمشاء بنت مشعان بن فرج الدغيلبي العتيبي
والآن أطرح بين أيديكم ديوان الشاعرة عمشاء الدغيلبي ويحتوي على جميع ما وجدت من قصائدها
القصيدة الأولى
شفت البحر زايد ٍ يانـوف# يابنت مـن يحتـم الهيّـه
يابنت من يبذل المعـروف#الطيـب اللـي نفـل حيّـه
ياشبه ظبي ٍ مع القفقـوف# والعيـن عيـن النداويـه
في جحر عينك لميع سيوف# ياكثـر زيـن السعـوديـه
في ضيقة البال وأبي اشوف# والا ّ لا هـذي ولا ذيّــه
القصيدة الثانيه
يامحمد إن ّ البعد عنكـم حدانـي
واشتب في صدري سواة الوقودي
ونّيت عقب أوحيت علم ٍ لفانـي
على اللذي حطّوه وسط اللحودي
على عزيز الجار ريف العوانـي
الدمع من عيني تغشّـى خـدودي
لاوالله الا ّ راح نـور المكـانـي
ليته فداه الخايب اللـي حسـودي
ليته بضرب السيف فعل اليمانـي
وأنخى عتيبه معربين الجـدودي
لكن فعل الـرب را ع الحسانـي
وأنا احمد الرحمن رب ّ الوجودي
أنا برجـوى فـارس المرحبانـي
يـوم إن قلبـه للقرابـه ودودي
وناصر بصير وفاهـم ٍ بالمعانـي
يرعى خوانه قاصرين العضـودي
وحصّه صبي العين صاف الثماني
ومن حسّها ياذعار عد ّه يهودي
القصيدة الثالثه
ياراكب اللي بوصف الذيب سرحاني
ضروبته ماخلطهـا نسـل جرميّـه
إليا أقبل الليل مس حبـال ريمانـي
والعصر رفّع شليله وصف وكريّـه
حلفت ماأرخص قعودي غال الاثماني
لو زوّدوا بالثمـن كـل الشريطيـه
القصيدة الرابعه
يا (سعد ) ياسعد منهو مرجهنّي# من كثير الهم في قلبه جـلادي
ياسعد دوك الليالـي غربلنـي# كن ضو إبقيق تشعل في فوادي
ياسعد يابعد من همّـه شحنّـي# دونه الصمان مع حمر الريادي
يارجاي إدموع عيني غرّ قنـي# مثل سيل ٍ حادر ٍ له وسط وادي
القصيدة الخامسه
إن وصلت السجن شوفه ماحصلّي
دونه الشبـاك مايـوح المنـادي
طالبـك يامعتلـي رب ّ المصلـي
تظهر اللي مامشى درب الفسادي
لاحسـود ولابخيـل ولايـذلّـي
كامل الاوصـاف طيـر ٍ للهدادي
وإن نصاه ضيوف قابلهم يهلّـي
قطع راس الكبش من يوم العيادي
القصيدة السادسه
نصف السنه فـي حجـرة ٍ مستكنـي# وفالليل ماحولـي ياكـود العصافيـر
افرح ليـا شفـت الخـوات أقبلنـي# هجّن علـي البـاب جنّـي مساييـر
أحمس لهن بالجمـر فصليـن بنّـي# وترحيب ٍ أكثر من حصى كشب والنير
بنـات مـن يـروون حـد المسنـي# وبيوتهـم تعـرف ليـال المعاسيـر
القصيدة السابعه
ياجر قلبي مـع (دحيـم) ياجـره#هجر الرشا من فوق عوج اللوحيف
ياراكب من عندنـا فـوق حـره# ممساك ابو بتلا زبون المواجيف
رد السـلام وعلمـه بالمـسـره# ودموع عيني فوق خدي ذواريف
القصيدة الثامنه
قنبت انا قنبـة السرحـان يانايـف
والحر في الكبد ودمع العين تجري به
جاني خبر من زبون الحرد والخايف
خـلاه هويـدي ولا كبـر مواجيبـه
ياليتني عند ابوي وبحالـه ارايـف
واون اذا ون ياسعيدان وامشي بـه
في
الختام
تقبلو
خالص
تحياتي[/align]
المواضيع المتشابهه
العرض الشجري