الله يخليكم تدخلو وتعلقووووو ؟؟ مهم جداااااااااااااااااااااا

[طيب في زمن مخيب]

السلام عليكم ورحمة الله وبركاته

ياخوان ابغى مساعدتكم ونصايحكم

انا متعين السنه دي وجيت في مدرسه مديرها مرررة مو تمام وقاعدلي كاني قاتلو واحد من اهله

اقلكم مواقف صارت لي معاه وانتو قلو لي رايكم :

1/ اول يوم جيت فيه المدرسه استاذنت منه عشان المنطقه دي اللي اتعينت فيها ماعرفها في حياتي ولا عمري جيتها الا مرة وحدة لمن جيت اتعرف على المنطقه قبل الدوام بيومين وكنت ابغى ازبط اوضاعي من ناحيه البيت والسيارة و بعدين وافق المدير على انو اداوم يوم الثلوث يعني قدامي يومين بس ازبط وضعي فيهم انا اتخوفت منه وماغبت الا يوم واحد اللي هوا يوم الاحد اتخيلو انو غيبني واداني مسآله غياب قلتلو انت اللي سمحتلي قلي هادا النظام .

2/ اتخيلو تسبب لي في خطأ اخر رواتبي واصحابي اللي اتعينو معايه في نفس السنه استلمورواتبهم وانا تعبت في ادارة التعليم عشان اصحح الغلط هادا حتى خلصت من هاد الموضوع ولمن جيت المدرسه وسالني مدرس ثاني كيف خلصت قلتلو الحمدلله بس تعبت اتخيلو المدير يقلي ليش تزعل اصلا هيه تتاخر الرواتب ( بس اللي يده في الجمر مو زي اللي يده في المويه) .

3/ تعاملو مع المدرسين الثانين غير تعاملومعايه هما زبطو جداولهم تمام ولمن يبغو يستاذنو عادي حتى لو عندهم حصص كثير اما انا يقعد يحقق معايه ويقلي مافي مدرسين والمدرسه فاضيه ومدري ايش وبالنسبه للجدول اكلمو فيه يقلي نسق مع المدرسين اقلو انت المدير كيف انسق معاهم محد راح يوافق بس كاني اتكلم مع جدار.

4/ في مدرسين يقدمو حصص عادي اما انا مرة قدمت حصه بعد ماكلمتو ووافق ولمن جيت ابغى امشي قلي لا ماتمشي مافي مدرسين ومدري ايش بالله ايش رايكم .

5/ يوم من الايام المدير واخوه خرجو من بدري حتى خرجت من الحصه الثالثه وما لقيتهم كمان بعد الحصه الخامسه خرجت ما لقيت وكيل المدير كمان واحد من المدرسين عندو حصه رابعه في الصف الرابع وسادسه في الصف السادس وقام جمع الصفين في الصف الرابع واداهم حصه وحدة عشان يمشي السادسه وكمان اثنين من المدرسين اخدو جزء من الحصه الخامسه ووقعو وخرجو من المدرسه وانا اراقبهم ما بقي الا المدرس اللي جمع الفصلين عشان اصحابو اللي يمشي معاهم تاخرو عليه وكمان بقيت انا ومدرس ثاني هوا اللي اعتبرومن احسن المدرسين في المدرسه ( يعني بقينا ثلاثه مدرسين ) انا طفشت من حركتهم دي واخدت جزء من الحصه السادسه ومشيت من المدرسه ........ ولمن جيت اليوم الثاني وفي نهايه دوامي ولمن جيت ابغى امشي قلي ياستاد ابغاك وقلي وكيلي قلي انك خرجت امس من الحصه قلتلوانا اخدت جزء من الحصه وخرجت قلي يعني تعترف انك خرجت قلتلو المدرسه كلها مابقي فيها الا المدرس الفلاني ( وجبت اسمو ) قلي محد في الفصول قلتلو هما مو في المدرسه اصلا واخد الجوال ويكلم وانا مشيت ... يانس قلولي ايش رايكم ؟؟

وغيرهاااااااااااا من المواقف ...........
ياناس انا نفسيا خلاص طفشت من دي المدرسه وحتى صرت لمن اكون في المدرسه كاني قاعد على جمر.

انا ابغاكم تقولو نصايحكم بس بالله بامانه وصدق عشان اعرف هل الغلط مني ولا من المدير؟؟


تعليقاتكم مهمه جدااا وليست اجبااااريه......


ودمتم بحفظ الله ورعايته ..........