الصاحب اللي علينا طول غيابه
مانيب ناسيه لو انه تناساني
لـه مـدةٍ منقطـع مـدري وش اسبـابـه
مـدري زعـل منـه والاضـاع عنوانـي
وانـا مفـارق حبيـب الـروح مارضابـه
ماقـدر علـى غيبتـك ياسـيـد خـلانـي
ليـا ذكـرت العيـون السـود واهـدابـه
اقـــول يالله يـاربــي لا تـبـلانـي
صحيـح بالنـاس يوجـد نـاس جـذابـه
وصحيـح بالنـاس رومنسـي ووجـدانـي
لكـن قلبـي مايرضـا غـيـر باحبـابـه
وليـا نصحتـه علـى الباقيـن يعصانـي
القلـب ماغيـر خلـي يكسـب اعجـابـه
الصاحـب الـي بوسـط القلـب وحدانـي
لـولا الحيـا كـان والله لاتـعـزوا بــه
واردد اسمـه مـع الاقصـيـن والـدانـي
ياليـت ربـي خلقنـي اقــرب اقـرابـه
والا خلـق داعــج العينـيـن ميـزانـي
الصاحب الـي سلـب عقلـي وعيـا بـه
حبـه سـرا فـي معاليـقـي وشريـانـي
حـبٍ علـى سنّـة العشـاق نـبـدا بــه
ومنـزهٍ عـن كــلام فــلان وفـلانـي
والا غـرام الجهالـه مـا مشينـا بــه
الي نهاية هواهم مقصـدٍ ثانـي
المواضيع المتشابهه
العرض الشجري