[align=center]مساجلة بيني وبين الشاعر تركي الدغيلبي ارجو ان تنال على اعجابكم
هذه القصيدة مسندة للأخ العزيز الشاعر/
تركي بن نايف القبع
[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشرد اللي مـن التفـاق مذعـوره=أنا تجي لي على المرمى واصوبهـا
في روضةً من حقوق الوسم ممطورة=مافيه حياً مـن الشعـار داج أبهـا
أستاذ واشرح دروسي دون طبشورة=واحول الدلو وسط البيـر وأجذبهـا
واترك دروباً من الجهـال معبـورة=لاخير في لحيـةً هانـت شواربهـا
وآخذ من النص مايرقى بجمهـوره=في مستوىً من سمو الفكر لاقبهـا
وآخاطب الناس كلاً حسب مقـدوره=والتايعة وسط سوق البيع مااجلبهـا
ياراكب اللي يشابه حـس ماطـوره=بنتاً تكلم علـى الجـوال صاحبهـا
جيباً علامة تويوتا فـوق ديكـوره=مركب شيوخاً تذري مـن يلوذبهـا
ملفاك في نجد شبلاً يوفـي شبـوره=تركي طلاقـة حجاجـه مايشحبهـا
صعب القوافي حكمها تحت باكـوره=قـدام عينـه تزاحـم ليـن يكتبهـا
لازار بستان يقطف غالـي زهـوره=وان حول الدلو يملاهـا ويسحبهـا
ذخراً لعوداً مضى فالشعر لـه دوره=من بيت شعـار ماتشعـب ركايبهـا
لاحط فوق الفياض الصبح من نوره=غاب القمر تاركاً للشمـس واجبهـا
أقلط لقصراً ملاه القـرم بحضـوره=قصراً لقوماً حشيمـاً مـن يقاربهـا
آلاد منعر حزامـي ساعـة الثـورة=العزوه اللـي عطيباتـاً مضاربهـا
تلقى رجالاً تهلـي بـك ومسـروره=أشبال نايـف عسـى الله مايغيبهـا
في ضفهم تامن العذرا مـن البـوره=هم سترها عن جميع اللـي يعيبهـا
تستاهل البيض فوق طويق منشوره=ياتركي أصبحت قولة نعـم كاسبهـا
في مثلك المدح يدعيني وانـا أزوره=وآخذ خيار المدايح فيـك واعذبهـا
أحداً يسوق القوافي حسب منظـوره=ماينبسط لين ياطـا فـوق غاربهـا
واحداً عصاته مع الشعار مشقـوره=تصعب عليـه القوافـي مايركبهـا
واقبل بيوتاً على شـرواك مامـوره=منظومةً نظم سبحة وأنـت قاضبهـا[/poem]
/رد الشاعر /
تركي بن نايف القبع
[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشعر يالقرم قدمك صـف طابـوره=يانسـل قومـاً معربـةً مناسبـهـا
قوماً على الطايلة بالصيت مشهـورة=ذخر القبيلة وسـم اللـي يحاربهـا
سلطان مقر الفخر منحوت في سطوره=قولة نعم نقشهـا بخطـوط كاتبهـا
ماجور يانسـل قومـاً دوم ماجـورة=ماهيب من شرها في ادنى قرايبهـا
اكبودهم للعـدا فالضيـق ممـرورة=أهل الفعايـل ليـا شبـت شبايبهـا
ولا رخوم العرب تعـرف ومكبـورة=أهـل الضعافـة قريباتـاً حضايبهـا
ياللي كتبت الشعر من نهج دستوره=طوعت شرده عسافه وأنت راكبهـا
يامل قلباً حنينه لـج فـي قصـوره=نـار القوافـي توقـد بـه لهايبهـا
من هاجساً عام موج الشعر وبحوره=مدمن جفول القوافي فـي ترايبهـا
يقطف من أعماق دره كل مغـروره=اسيوفهـا ماسكـاً سلـة مقاضبهـا
أهلاً هلا من هجوساً منك مسـرورة=ياللي فناجيل سبك القـاف شاربهـا
طبيت سوق الغلا وأخترت في حوره=من جم بيراً تصافق لـك مشاربهـا
الشعر قدمك ذلوله غـدر منحـورة=شهب الحقايق شكت لك من ضرايبها
صفحاتها البيض مطموسة ومقبورة=مابين مغتالهـا ضاعـت وناهبهـا
علـى مداهيلهـا جرتـك ماثـوره=يومن بعض العرب تشرب غبايبهـا
ياماخذ الأصل من نهجك نبا صـورة=على شواطي بحورك مـن قواربهـا
ساحل خيالك حدوده منك محظـوره=ماطبها شاعراً قدمـك وجـاك أبهـا
ياراكب اللي وصوفي فيـه مجبـورة=أله القوافي شكـت منـي غرايبهـا
جميح كن يعوي سرحان في سيوره=اللي صواب العطب رجليه قاضبهـا
يقنب بعال الطويل اللي زبن قـوره=هبـت عليـه الشماليـة هبايبـهـا
يلحس صوابه ذراعه منه مكسـورة=ياطا عليه الثـلاث ولا ينيـر أبهـا
جمساً يشوقك ياراع الصنف منظوره=مركب هل الطيب حيث أنه يلوقبهـا
اكس فور توه مصدر رسم فاتـوره=أصفار ماقد مشى ميلـه ودار أبهـا
أبيض عليه القلوب السود مقهـورة=اللي تنومس ماعدت مـن كسايبهـا
منه الشياطين مخذولـة ومدحـورة=أشباههـم لاركبتـه لاتمـر أبـهـا
منصاك بيتاً بطيبه تشهـد حضـوره=بيت السلاطيين لاضاقـت مناكبهـا
عده عن اللي يعشي الضيف شابورة=جعله فدا من ذلول الطيـب متعبهـا
خبلاً مايصحى لعقله ميـت شعـوره=درب المراجل من جـدوده مجنبهـا
يمناه مع طايليـن البـاع مقصـورة=لاشـاً مباديـه حايرتـن جلايبهـا
طايل ذراعه زهيـد المـد مبتـورة=ماكره بومـاً يلالـي فـي خرايبهـا
تحشم عنه يامعشي جايـع صقـوره=ياريف من جتـك طفاحـاً جنايبهـا
تمت ومسك الختـام ورود منثـورة=ياللي بديت الجزالة وانتهيـت أبهـا
[/poem]
[/align]
المواضيع المتشابهه
العرض الشجري