واحــد زهق من الايميـــلات....!!

[عبدالعزيز العنزي]

والله طفح الكيل......مليت
الانترنت صار مقرف .

اول نفتحه ندور شي يوسع الصدر, الحين ما فيه الا الاكله هذي مسرطنه, والعصير هذا يسبب صلع , وكيس الخبز اذا شقيته بدون تفك الربطه يسبب سرطان في الابط , والصابون اذا حطيته في فمك يسبب سرطان لثه.

والله مليت كل شي مسرطن .كل شي ضار ..

يلعن بليسكم اذا كل شي مسرطن وضار وشلون عشنا؟؟ حتى الحب قالوا مسرطن..

والشطة الي فيها مادة سو بي كورا مي دقني دقني دقني دق دق
دق !!!...

مسرطنه الجح الي يباع في عز الصيف مسرطن.

الماء الي تشربه بعد الوجبه يسبب حوله..
طيب ياخي غصيت وشلون ادف اللقمة .

اموت ؟؟..

لا والمصيبه اذا صار مصدر الاشاعة شركة تعال شوف.

شركة سنكرس تستخدم زيت الخنزير عشان تدعم اسرائيل
والله يا جماعه من كثر الخزعبلات تلخبططت الافكار.

الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم (عشانها هي اليي تغسله)

..كله اشاعات واي شي تلقاه عندك ومبسوط فيه يقرفونك فيه ويقولون يسبب مرض.

مثل عندك الخيار تحبه ولذيذ والسلطه بدونه ولا شي .

يطلع لك طلعه ويقول ان الخيار كبير الحجم
يسبب سرطان قولون ولا معدة ولا اي شي يضيق صدرك

هذا كوم وتراه ما يخلص وخلونا نروح للكوم الثاني
____________ ____

الكوم الثاني
مليت من الرسايل الدينيه المكذوبة .

كلها احاديث مكذوبه ومصطنعه.

واخرتها يجي يقولك قل هذي الجمله؟؟؟؟؟

الان كسبت 398321 حسنه..على كيفك هي .توزع حسنات!!
لا ويقولك انتبه لا يضحك عليك الشيطان ارسلها .انتبه تضغط دليت ترا اصل كلمت
دليت

delete = devel

وتعني الشيطان
تلاحظ انا اول حرفين نفس الشي
de
وبدل . v
بحرف . L
L يعني لا يضحك عليك الشيطان

وحرف . T
معناها تخسي تضحك علي

وصدقوني انا كتبتها وبعد فترة بتجيكم اشاعة وان مخترع الكيبورد يهودي
الله يلعن ام الخزعبلات يا شيخ
انتبه انتبه ترا الشيطان واقف جنبك

ما درا ان الشيطان هو الي يضحك عليه وطاق معسل جنبه ويقول قم غير لي جمر

سامحوني كل الحكاية ان الكيل طفح.....

منقوووووووووووووووووووووووووول بتصرف