___ بدربي عرووووقي ____

[ولد الشمال]

[align=center]يحلو لي أن أتغزل ! وليس كل غزل يكون بالجنس الآخر!
أحببت أن يكون العز هو عشقي [/align]!!
[poem=font="simplified arabic,6,blue,normal,italic" bkcolor="transparent" bkimage="" border="double,3,royalblue" type=2 line=0 align=center use=ex num="0,black"]
المسافـة والليالـي والجهـات اللـي اضـداد=ماخلفت فيني بقايـا مـن عبـارات الشعـور
انت نار ! وفيك نوري ! يعني بك حر وبـراد=وانت كوكب شع نوره . في فضاء عمري يدور
مرّت الايـام حبلـى ! دونهـا سيـف العنـاد=يحتويني كل مابك . مثـل نفحـات العطـور
حايلي يشرب شموخـه . قايـدٍ ماهـو يقـاد=لد لمّك .شاف نورك .صار طيفك لـه يـزور
أفرش بدربي عروقي .عزّتي صهـوة جـواد=تنثنـي دونـه نفـوس ٍ تشـرب الأيـام زور
الوفاء والصدق تاجـي. ماعرضتـه بالمـزاد=مطمع ٍ لعقول صابـه مـن فعايلهـا ضمـور
وقتنا وقت المصايب ! دايـم النفـس بجهـاد=صارت الطيبة خطيّـه !والشكالـه بالسفـور
المبـادي صنّفوهـا سلعـة بسـوق الخـراد=الثمن لاشيء يذكـر !البـلاء حـب الظهـور
لمعة فروع المحاني تشتكـي غـزو السـواد=وان خذيت حساب دربي !ورّدوهـا للغـرور
ياشرور الروح فيني! وش بقى غيـر الحيـاد!=في زمان التيه ضعنا .والزمن حكمـه يـدور
طيبنـا فعـل الجبلّـه. مانتظرنـا للحـصـاد=كود عند اللـي خلقنـا. واحـدٍ والـي غفـور [/poem]