الوكاد / انه هنيا .. ساكنه بين المحاني
والوكاد .. القلب بعده مغترب والحال حاله
والوكاد : ان بغيابه ، ابتدت لعنه زماني
والوكاد .. اني شمالي ، ضايع بصدره شماله
ايه .. انا ادري فيه حظي : قاسي وطبعه اناني
ماكسب فيني ثواب ، ولاترك فيني / جماله
لعنبوه : الحظ الاهبل .. هادمٍ ، ماهوب باني
غره .. اني ( شمري ) لـ انتخى : ميل عقاله
والوكاد : ان بغيابه ماتت .. احلام واماني
وينها / والشوق فيني ، مالقى رد لسؤاله
علموها لو تناست .. ادري قلبه : مانساني
ماخذت غير : الخفوق .. ودمعهٍ هالخد شاله
ايه .. انا ادري ماجفتني ، وقتها هو من جفاني
والا انا .. دايم اعيشه ، واشربه حتى: الثماله
والوكاد / طعون وقتي .. صاح به صدري كفاني
قال : يكفي ، ( ايه يكفي ) .. لعنبو طبع الجهاله
هز فنجال / الجروح .. بـ :دايمه ، يأم الثماني
ورتب جراح الغبينه .. من نسى حكم : العداله
عظم الله اجر : قلبي ، ماتت / افراح وتهاني
وكل حي دل دربه .. واعتذر فالي لـ فاله
وماخذيت الا : جروحٍ .. داميه ، تسكن مكاني
وماتركت الا : قصيده .. ينتثر فيني هباله
كلمه كانت ، هي اول ماتلعثم به : لساني
هي نفس الكلمه اللي .. فـ / الوداع القلب قاله
والوكاد : انه هنيا ، ساكنه بين المحاني
والوكاد القلب بعده .. مغترب : والحال حاله
رآقت لي
المواضيع المتشابهه
العرض الشجري