شقي ستار السالفـه وأحرقينـي
شبي ضلوعي بنار صمتك حقايق
القلب ضاق وضاقت الارض فيني
وصوت الربابه ماشرح قلب ضايق
ماني بقايـل ركـزي وأسمعينـي
ماعـاد تطربنـي علـومً رقايـق
جرحك غدى مثل النفس محتويني
ورمح الغدر فج الضلوع وتهايـق
أنا عزيت الغاليـه فـي سنينـي
ماهو غرامً يلبسـه ثـوب بايـق
قلبي وينسْى بالغلا مـن نِسينـي
لو كنت أنا ؤياه مثـل الشقايـق
روحي بمـان الله .. لا تذكرينـي
اليا جرالك مـن زمانـك عوايـق
هذي خلاصة ماحصل وأفهمينـي
آبشّـرك طفيـت كـل الحرايـق
من يرتجي بالحنظلـه صدقينـي
غير العنا والمـر ماهـو بذايـق
مع غربة الاحزان ضاعت سنينـي
أسهر وأنام وليل الاحـزان فايـق
حزن أنولد مابين نفسـي وبينـي
ماعشت في جو السعـاده دقايـق
من وين ماوجهّت همـي يبينـي
يجتاحنـي مايعتـرف بالعوايـق
حتى سكن نبضي وخافي كنينـي
وطيفه على عرش الضماير توايق
والقلب ضاق وضاقت الارض فيني
وصوت الربابه ماشرح قلب ضايق
المواضيع المتشابهه
العرض الشجري