مدري شلون نتعامل مع هالبـــــــــشر...؟؟؟

[ريما الخفجي]

السلام عليكم ورحمة الله وبركاته........صباح الخير

اليوم ريمااا معصبه ومنقـــــهرهـ ومو عارفه وش اسوي
الى متى والمدير والوكيل والمدرس يتعاملون مع عيالنا بهالاسلوب طلبه بأبتدائيه اطفال ماتعدوا سن العاشره ينضرب بمسطره ولا بالصمغ ولا بعصايه والسبب عشان جايب 6 من 10 كيفه عسى ولدنا يجيب صفر ماتمد يدك
انا قبل فتره تكلمت عن قسوة المعلمين بشكل عام بس اليوم بخربها وبحدد

المدرسه:مدرسة ابتدائيه بالخفجي
الأستاذ :مدير المدرسة
الأستاذ:وكيل المدرسة
المدرس:تقريبا كلهم
طبعا مشكلة المدرسين مشكله بس للحين ماقدرت افهم وش بالضبط مشكلتهم هو منقول من ديرة اهله ومتغرب والنفسية زفت او يبي يعرس وللحين ماكون نفسه او راعي استراحات وسهر وقومة الصبح مسببتله أزمه عاطفيه او مشاعره متضاربه وبعدين اشك بمستوى المدرسين في مدرس التاريخ وعارف نفسه ((يارب يقرأموضوعي)) يختبر الطلاب ويسحب الأوراق بسرعه كنه مغصوب والله عالتصحيح اللي جايب 3من 6 كاتبله ضعيف اجل اللي بيجيب صفر ولاواحد وش بتكتبله منيل بستين نيله ولا حاول مرة أخرى
وليييييييييييييييييش الضرب ..الضرب ممنوع انت ترضى يا ... يضريون ولدك كذا ولا انت يالوكيل اشوفك شاد حيلك

كلمه وحده لأستاذ مربي اجيال فاضل انت مربي قبل ماتكون معلم اوكي ربيهم اذا قل أدبه او تهاون بدراسته بس انت وظيفتك توجهه مانفع معاه تحاول مع ولي امره ولده وهو أبخص فيه يعلمه مايعلمه ينجح يرسب مشكلتهم ولا ولد فلان العلاني وولد مدير مدري ايش وولد واحد من الجماعه ماتقربونله وله معامله خاصه طيب تدري اني عارفه انك عنصري بمعاملتك وتعتبره ولدك اللي ماجبته وتتطمن عليه كل دقيقه طيب عامل الكل سواسيه ولا لايكون يعطيك اوفر تايم عالراتب ومستعده اكتب اسماء وودي ادق عليك بالمدرسه بس برضوا بحترم نفسي وبصبر لان ولدنا بنقله مدرسه خاصه
فعلا بشر مدري كيف نتعامل معهم الله يكون بعون عيالنا ويصبرهم على هالعنف بعذرهم كرهوا المدرسه وعسى ربي يجازيك ترى نفس ماانت عندك اولاد هذولا بعد عيال ناس وتخيل دعوة ام عليك قهرتها بولدها عاد انت وحظك تدعمك سيارة وانت طالع من المدرسه عاد شارع الستين خطير بس لو مافيه هالمطبات كان ياسلام ولا يجيك شلل وانت رافع يدك تبي تطق ولد بقسوة وربي في مدرسه انشلت من دعاوي الينات عليها بسم الله عالسامعين والقارئين
عاد انا اقولك كذا عشان تنتبه انت وياه وتتعظ بلا اجرام ولا تقول اضربهم بشويش ولا اعاقب الصف جماعي عشان طلعوا ازعاج طيب اطفال وبصف ماعندهم احد بيسكتون اكيد بيسولفون وربي بشر غريب

يلا الله يعين وان شاءالله ماينحذف شي من موضوعي ولا يتم تعديل بواسطة:.....
تراني معصبه فخلونا حبايب طيب .....

ريمااااااااا