حلى الدوائر :) << مالقيت اسم غير كذا :$

[بنت حايل]

بسم الله الرحمن الرحيم ..


كيف الحال ؟؟



جايبه لكم حلى رهيب .. ومجربته طبعاً ..

على طاري مجربته ..! << اوعدكم كل كم يوم انزل لكم اكلات من تجربتي واذا قدرت نزلت الصور ..

المهم نرجع لمحور حديثنا اللي هو الحلى ..

المقادير :

1 بسكوت شاي اولكر << اللي طوله شبر

ملعقتين قشطه

ملعقة اكل شوكلاته باودر

ملعقة اكل نسكافيه

3 ملاعق حليب نستله

......

التزيين:

توفي سايله <<جاهزه

شوكلاته سايله ..

جالكسي مبشور ..

3 ملاعق حليب نستله ..

.....

الطريقه :

نطحن البسكوت بطاحونة القهوه بس مو مره << يعني يصير فيه قطع صغيره

ونقسمه بصحنين ..

الصحن الاول نحط عليه ملعقة الشوكلاته الباودر .. والصحن الثاني نحط عليه ملعقة النسكافيه ..

ونخلط كل واحد لحاله ..

وبعدين نحط على كل واحد من الصحنين ملعقه ونص نستله وملعقه مليانه قشطه .. ونعجنها باليد ..

وبعدين نسويها دوائر على حجم ورق الحلى الصغير ..

ونحطهم بالورق ..

وبعدين نجيب مقادير التزيين ..

اللي بالنسكافيه نحط فوق كل وحده شوي نستله وشوي توفي سايل ..

واللي بالشوكلاته نحط فوقها شوكلاته السايله وبعدين شوي جالكسي مبشور ..

وتقدرون تقدمونها كذا او بارده << لكن بارده افضل ..

وطعمها خياااال ..

وبس

اتمنى تعجبكم ..

:101: