دبابات المنتزة وخطرهاا على اطفالنااا

[طيوفه]

السلام عليكم

كلنا سمعنا عن الفعاليات الي رااح يقيمها المنتزة الترفيهي النسائي من قبل لاتجي العطلة
قلنا خلاص ان شاء الله يوم الخميس بنروح ونشوف وش هالفعاليات
ورحنااا الفعاليات كانت بسيطة جدااا مجرد باسطين بسطة شعبية وقهاوي ولا مع انها بسطة خارجية الا ان الدخول لها بفلوس وكلنا عارفين وشايفين غلا اسعار المنتزة
المهم ماعليناا انا لو بتكلم عن هالمنتزة ماني خالصة لان هو الوسيلة الوحيدة للترفيه عن النساء ومع كثرة الفلوس الي تجيهم لكن للاسف مانشوف اي تحسنات
نبيهم يسوون مسابقات اسبوعية وتكون عليها جوائز قيمة مسرحيات نسائية القاء شعر عمل سباقات بين البنات فيه كثير اشياء نبيها ولكن نفاجاا بان كل شي بفلوس ومافيه اي شي مجاناا والمواد الغذائية اسعارهاا دبل
كل هذا ماعلينا منه
ابي اتكلم عن المصيبة الكبرى الي صارت اليوم ( يوم الخميس 27/4/1430)
حاطين دبااااابات للاطفاااااااال
ومافيه اي اجراءت لسلامة يعني مايلبسون الاطفال خوذة تقى روسهم الصغيرة في حالة وقوع الطفل لاسمح الله
وقد حصل بالفعل هذا اليوم انه صار تصادم بالدباب بين طفلين وقع احدهما على الارض مغمي عليه مدة دقيقتين لين جو وشالوه وقعد يبكي لين طلعوه اهله عاد مدري وش صار للطفل لاحد الان والي يعرف ياليت يقولن هل الطفل سليم ولا صار فيه شي
لان منظر التصادم كان قوي بالمرة الطفل نقز من الدباااب وصدم الارض بقوة براسه
والله على مااقول شهيد
فهل جمع الاموال اهم من سلامة اطفالناااااا شيلوووووو هالدبابات مانبيهاا والله فيه اطفال يركبونها واهلهم مايدرون عنهم تلقى الاهل يمنعونهم لايقربون صوبهاا والطفل يروح ويتغيفل اهله ويشتري تذكرة ويركب وش هالتسيب
كل ورع يجيكم معه تذكرة تركبونه لو صار له مثل ماصار لهالطفل لان الي شلوه الموظفات مو اهله
فرجاااء الي يملك سلطة او قرار بهذا المنتزة ياليت يشيل لنا دبابات الاطفااال لانها بجد خطر
اسفة على الاطالة لكن ماحبيت الموضوع يعدي بدون مانتكلم فيه لاني شفت خطره وكنت موجودة وقت وقوعه وبما اني ماحب انقل ماسمعت فلقد نقلت لكم مارايته بعيني

دمتم بود