السلام عليكم ورحمة الله وبركاته
بداية احب اعرض بعض المواقف اللي نسمع عنها في حياتنا تقريبا يمكن شبه يومي...حكايات جديدة عن دا الفيتامين المنتشر في كل مكان..
لكن..
الفيتامينات معروف عنها انها مفيدة للجسم وتمده بالطاقة وتزود الجسم بالنشاط والقوة اللي يحتاجها..
لكن هنا فيتامين غير..
يمكن له منافع... لكن لأصحابه بس..
وللأسف بيسبب الضرر لكثير ناس هم يمكن بأمس الحاجة لهذا النوع من الفيتامينات
طبعا اكيد كلنا عارفين ايش هوا دا الفيتامين
فيتامين (( و )) = واسطة.
- طالب اتخرج من الثانوية بمعدل طيب تقريبا نقول 87 واتقدم للجامعة والجامعة أو الكلية ما قبلت يقولو صار في اكتفاء طلابي لغاية نسبة 87.50 (( سبحان الله))..تتفاجأ اذا اتعرفت على بعض الطلاب الموجودين معاك ان نسبت تخرجهم كانت 86 او 82....؟؟؟
- شخص فقير مسكين مصاب بمرض خطير علاجه لا يوجد الا في الخارج..يجي يقدم عالعلاج للخارج طبعا انتظر الدور...تسمع عن فلان الفلاني من العائلة الفلانية(( طبعا ماشاء الله عائلة معروفة ومقتدرة))...مصاب بمرض معين وسافر للعلاج بالخارج..طبعا على اعتقاد انه على حسابه لانه ماشاء الله مقتدر...تتفاجأ انك تعرف انه راح للعلاج بمنحة ..((ياعالم الآدمي مقتدر)).
- خريج ماجيستير بدرجة امتياز من كلية ممتازة..يبحث عن وظيفة..طبعا الكلمة المعهودة (( الوظائف شاغرة)) تتفاجأ ان احد كبار الموظفين او شخص متوظف في منصب طيب وراتبة طيب جدا..متوظف على شهادة الثانوية.
ومن هذي القصص كثييييييييييييييييير والمواقف اكثر لا تعد ولا تحصى...وسابقا كانت بالخفاء الآن ماشاء الله بالعلن..وبتفاخر كمان..انا عندي واسطة اقدر اعمل اللي ابغاه..حتى ممكن آخذ شهادة طب بشري العب في خلق الله بالواسطة...مافي اي مشاكل
لكن مافي رب يحاسبنا على تصرفاتنا؟؟؟...ما نتحاسب على ان في ناس كثير تنظلم بسبب الواسطات وكثير ناس بتاخذ مكان آخرين لهم الأحقية ...وكله بسبب الواسطة؟؟
وهااااااااااااتك يا معاف ومجاملات وضحكات من تحت لتحت وبناء علاقات في كل مكان (( طبعا مو لله...خبي قرشك الأبيض ليومك الأسود))...وشيلني واشيلك والناس مو كلها لبعضها..
الين متى بنظل في دا الفكر المتأخر وما نرتقي بفكرنا وأحقية كل شخص في مكانه الصحيح...لمجرد اني لي معارفي في كل مكان خلاص العب على راحتي ولا اشيل هم...لأني عندي فيتامين (( و)) اللي حيمدني بالقوة ويخليني استمر.
معلمة تدرس مادة معينة... أخذت معاها المادة...دخلت لنا اول يوم دوام.......ماااااااااااااشاااااااااااااء الله عالستايل اللي جاية فيه الدوام..تقول فاتحين قناة فاشن تي في....تروح الحصة في التأمل في جمالها وأناقتها من رأسها((النظارة الشمسية)) الى أخمص قدميها (( الله يكرمكم الشوز القممممممممممممة في الروعة))...وكل حصة تجيكم بداك الجمااااااااااااااااااال والجاذبية.......طبعا كانت الجاذبية خارجية...لأن الحصة ماكنا نفهم منها شي....مجرد افتحو يابنات الكتاب ص(..) وتقرأ المكتوب ..طبعا راااااااااااااايحة رااااااااااااااااجعة رااااااااااااااايحة راااااااااااااااااجعة طوووووووووووووووووول الحصة ماشاء الله وهيا تمشي بين صفوف البنات تقول منصات عرض أزياء؟؟...
الين هنا وبس...شي لا يحتمل....المشكلة العظمى انها ماكانت تدرس الا توجيهي(((وااااااااااااااامصيبتاه))) عز الله اتخرجنا بنسبة عالية......نروح طبعابنشتكي الحال ما نسكت...دي علامات ومستقبل مو لعب عيال....الا ((نتفااااااااااااااااااجأ)) طبعا بالسكوت عن الشكوى....ليش؟؟؟؟
الحرمة مرة فلان الفلاني ومحد يقدر يقول لها عينك في راسك...اتاريها الحكاية انها كانت تشتغل في بنك...وطفشت من الشغلة قامو لقولها واسطة اشتغلت مدرسة وعلى الحظ في مدرستنا...
بالله هذا حال؟؟؟
هذا هوا مستوانا في وضع الشخص المناسب في المكان المناسب؟؟
فوضى .. وتسيب....كل واحد على كيفه يمشي طالما انه في فيتامين (( و ))
الله يستر اذن المستقبل ايش يخبي لنا اذا بيستمر حالنا على ما هوا عليه
الله لا يحوجنا لهذا النوع من الفيتامينات...
اتمنى منكم مناقشة بناءة وفعالة لهذا الموضوع وان شاء الله نستفيد كلنا من آرائكم النيرة
المواضيع المتشابهه
العرض الشجري