اولا السلام عليكم ورحمت الله وبركاته هذي اول مشاركه لي بهالمنتدى وانا بصراحه احب اتكلم عن موضوع يخص مستشفى الخفجي العام
والله ياناس الوضع سئ بالطوارئ والصيدليه اولا اتكلم عن الطوارئ اللي فيها فوضى بشكل موطبيعي ماتحصل الا دكتورين وممرضتين ووقت الزحمه المريض يزهق يالله تكرم الممرضه تجي تقيس الحراره والضغط ويالله يتكرم الدكتور يجي يفحص المريض والله ياستاذ سعد لوتنتبه لهالامور كان مشى الوضع تمام وشي غيره ان الطوارئ الاسره والغرف وصخه مقرفه ننقرف لانقعد فيها ياليت تكون فيه رقابه بذمه ولكن كل اللي انت شاد فيهم الظهر مافيهم خير من وراك يخربطون كل مانجي مانحصل مدير مناوب كله طالع وموموجود والله مره قعدت ساعتين انتظر ماجا الشكوى لله
والشي الثاني الصيدليه اللي فالمبنى الجديد
هالوضع عاجبك موظفه وحد وشباكين وكمبيوتر ويقعد المريض من نص ساعه الى ساعه واخرتها العلاج مايكون موجود وننتظر متى يجيبونه من الصيدليه الرئيسيه
والله لوتحطون عامله على الاقل تجيب الادويه او تساعد الموظفه والله ارحم حتى المكان ضيق حاطين عازل بين الشباكين لو موحاطينه ابرك نفس الشي
والبنت الله يعطيها العافيه كل ماجي مالاقي الاهي المهم ياستاذه كلنا مانرضى ان يكون شخص واحد يشتغل بمكان مثل الصيدليه وزحمه والله قهر والصيدليه الرئيسيه مليانه صيادله وضحك وسوالف والا عشانهم رجال على الاقل حط منهم هناك
الواحد يحط نفسه مكان الشخص وكلكم راع وكلن مشؤؤل عن رعيته
كل ماجيت اكلم مدير المستشفى يقولون باجتماع مدري يمكن يصرفون المراجعين عشان ماتطلع فضايحهم
والا المدير رجل الكل يمدح فيه وفي اخلاقه
اتمنى من الكل يقولي كيف اقدر اتواصل مع المدير لايضاح الصوره
بارك الله لكل من ساهم في انجاح هذا المنتدى لكي تصل صوت اهل الخفجي
المواضيع المتشابهه
ليش ماتنتبه يامدير المستشفى
العرض الشجري