شباب آخر زمن لـ سعود العواجي

[أبو رائد]

السلام عليكم ورحمة الله وبركاته

قصيدة مميزة .. للشاعر المميز

سعود العواجي

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شبـاب آخـر زمـن تقليدهـم اعـمـى=وعقولهم في "فضـاء الغـرب" مملوكـه
لاديـن لاحلـم لا اهـداف لا مـرمـى=صاروا كما قيل عند العالم (اضحوكه ) !!
وجيههم "بيـض" بـس قلوبهـم ضلمـا=وجلودهـم ماتحمّـل وخـزة الشـوكـه
لاجاك ادعج عيـون وشفتـه " ورمـى"=ماناقص إلا يحط باالـراس ..باروكـه !
وليا سألته وش اسمـك؟ قالـك : سلمـى="سالم" ولكـن لاسولـف ميّـل حنوكـه
"مكياج وجهه" ماينظف لو غسـل بالمـا=كن النعومـه علـى خديـه ..محبوكـه
حتى الشعر ماقـدر فـي شاربـه ينمـا=وان قلت سكسوكته ماهيـب : سكسوكـه
زوله مثل زول أخته لو قـرب وازمـى=ومن ضيق ثوبه تحسه يضغـط وروكـه
وعروق وجهه على "مي الحيـا" تضمـا=ومن برد وجهه تشك احيان بسلوكـه !!
شبـاب مهمـا تغيـر نهجهـم مهـمـا=تضـل فيهـم اصـول الـدم مشكوكـه
تتشابـه وجيههـم مـع فـارق الاسمـا=وان شفتهم ماتشـوف وجيـه مبروكـه
مدري ضحية تطور في شبـاب آعمـى=وإلا هي افكار وسـط الـراس مشبوكـه [/poem]