::
ياصاحبي اخطيت اسألك بالله ......... هورب صدفه اصبح اليوم خوان ؟؟!
أهداك عمره .. سلّم القلب كلّه......... نسج من خيوط المتاهات عنوان
من كثر ماحبك .. تناساه ظله......... نسى معك طعم المراره والاحزان
جمعت من ورد البساتين سله......... نثرت وردي .. فاحت عطور هيمان
حتى ميلادك حفظته .. منتظر له ......... هو خمس شوال ؟؟ والا انا غلطان ؟
شلون بعد البنا .. تهدّينه كله......... تهدّين هالصرح على غير برهان
ليه القساوه .. بعد وافي الأدله......... دستي وروده .. دفنتي تاريخ انسان
بذمتك .. ماهي فشيله وزلّه ؟......... لعبك على الحبلين من طبع شيطان
أصلي ابدوي .. كل المكارم تدله ......... والمرجله طبعي والاخلاق عنوان
ماهو بتخلف امسك اليوم دله......... راس التخلف اخلف وعود .. تنصان
وينك ؟؟ بليّاك الاهداب .. مبتله ......... والقلب يطري غيبتك .. وين يافلان
يافرحه ماتمّت وياحظ .. علّه......... كل ماافرح .. يسكتني حرمان
رجعت للشاطئ .. بنفس المجله ......... عنوان باهت .. والمواضيع نسيان
إن كان لك رجعه خذي القلب كله......... خليه على روحك مظله .. وصنوان
وان كان عزمتي على طيّ المظله......... أبعتذر واقول اسف .. وغلطان
ملتووش
؛،
المواضيع المتشابهه
العرض الشجري