لا جيت ابنسى واتراجع واسامحـك
صاحن جروحي واشتكن لي طعونك
كلك خيانه قـول وشلـون ابمنحـك
وش موقـفك من شخص دايم يخونك
اكبر خطا .. لو جيت يمك اصالحـك
اول تحـوّل لاتغـرك .. إلحـونـك
اللي تقوله صح لو كنـت جارحـك
( بس ) انت غارق للاسف في ظنونك
وصفك نسيته بس .. باقي ملامحـك
بنهيك وانهي بالنهايـه .. جنونـك
ماتستحق امـد ( كفـي ) واصافحـك
مثلك ( غلط عمري ) وأبحيا بدونك
لعبـت دورك شاهـداتٍ مسارحـك
خدعتني واظهـرت خافـي فنونـك
كنت اعتقد قـلبي هو ابرز مطامحـك
اللي يبيع الناس .. لجلـه يصونـك
تعبت اسوق الشوق عندك واصارحك
اخلصت لك بالحب شوفـت عيونـك
لكن خسارة صرت غايـة مصالحـك
ياليتني ماجيـت لحظـه .. بكونـك
بالامس كنت بنشوة الحب .. امازحك
اخيـل برقـك واتحـرى امـزونـك
واليوم من صفحة حياتي ابمسحـك
هديت صرحك ثـم طاحـت ركونـك
ولابي عيوني لو تصـورت تلمحـك
اعلنت موتك .. وانسجن لي كفونك
وان جيت تطلب ترتجيني .. اسامحك
بأهديك طعنه .. من بقايا طعـونـك
المواضيع المتشابهه
العرض الشجري