السلام عليكم ورحمة الله وبركاته
بعد الغياب والعذر يسبقها
عسى اللي سرى ليل الثلاثاء شهر شوال
ـــــــــــــــ يلقيـه ربـي خيـر ويسهـل ادروبــه
مسامح وأنا لو ما سمحتة قـدر وجـلال
ـــــــــــــــ شفع لـه غـلاه وحلـه وكفـر ذنوبـه
سرى والمحاجر موجها يرتطـم بالجـال
ـــــــــــــــ والآهات مفلوتـه والانفـاس مغصوبـة
بليلٍ شهر سيف الجفـا ونكسـر رجـال
ـــــــــــــــ ستر من حياه وحشمته (جرحـه بثوبـه)
تلاحـق دمـوع عيونـه إردهـا بشـال
ـــــــــــــــ بعد مالتفت ماشاف مـن يلتفـت صوبـه
وقف بين ياسه والرجـاء كنـه التمثـال
ـــــــــــــــ اتلوفـه ريـاح البعـد وتعـري جنوبـه
تمسى على الفرقا عسى الفال غير الفـال
ـــــــــــــــ وصبح وغرسة بـذرة العـام مصروبـه
توجد بعد ما مال ضلـع الصبـر ونهـال
ـــــــــــــــ ودنـق وياسـه يثنـي إيديـه لجيوبـه
كتم ماب قلبه ونطوى والظروف اهـزال
ـــــــــــــــ حيـاوي تـرده شيمتـه دون مطلـوبـه
هذا أنا بليلٍ حسبتـه عـن ثمـان اليـال
ـــــــــــــــ على اللي سرى وآماني العمر مصلوبـه
خذاه النصيب اللي حداني علـى الغربـال
ـــــــــــــــ وأنا اللي بنيت الحلم (طوبه على طوبـه)
بقاياه جرح.. ودمعة.. ودبله.. وسلسـال
ـــــــــــــــ وحاسيس مكسوره وحاسيـس منصوبـه
لو أني دريت أن آخر الحال هـذا الحـال
ـــــــــــــــ ما وليته أمـري يـوم الأيـام محسوبـه
أحبه وحبه بين الأضـلاع صـال وجـال
ـــــــــــــــ لو أجحد غلاه أقصى المخاليـق يدروبـه
له بوسط قلبي فـوق زود الغـلا منـزال
ـــــــــــــــ بنتـه المـودة والوفـاء ثبـت اطنوبـه
سقى الله سقى الله قبل لآقف على الأطلال
ـــــــــــــــ وتجتاح صدري زفرة الحـزن وتجوبـه
وأجيلـه أدور لسعـة والدقـاق اجـلال
ـــــــــــــــ فقيرن يـدور قـوت يومـه ومشروبـه
وألاقي بقربـه جنتـي ونشـراح البـال
ـــــــــــــــ يا حيث أن قربه جنـه وبعـده عقوبـة
لا جفت مواريد الوصـل ماتـت الآمـال
ـــــــــــــــ لـو أن الغـلا حـيٍ مواريـده عذوبـة!!
المواضيع المتشابهه
العرض الشجري