[align=center]هذه القصيده كتبتها بمناسبة حفل زفاف اخي الشاب/بندر بن فاضل العياشي بمدينة الرياض[/align][align=center]
عندما وجه لي مشكوراً دعوه للمشاركه بالامسيه الشعريه المقامه على شرفه مع نخبة من الشعراء البارزين
ولكني اعتذرت عن الحضور قبل يوم من الحفل لظروفي التي حالت دون ذالك
فألقى القصيده نيابة عني قريب المعرس الاخ/ عبدالله بن رثعان العياشي
اترككم مع القصيده[/align]
[poem=font="traditional arabic,7,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بديت باللي كلبونا نسايله =الواحد اللي ماتعدد جمايله
يالله جملني وجمل قصايدي=وجعل هجوسي ينتقي من مثايله
سلام ياللي في ضميري احبكم=عد النجوم وعد برق(ن) نخايله
حبيت اشارك ياجماعه بحفلكم =ولاخير باللي ماتشرف مثايله
مبروك عرسك يابن فاضل ومرحبا=ياللي حضرتو حفل ماضي فعايله
اليوم عيد وغرد الطير بالسما=ومن فرحته قامت هبوبه تمايله
وياجيت ابمدح راعي الجود والكرم=ابن مكمي اللي ثابتات(ن)فعايله
انشهد اني لوتكلمت ماكفى =تبطي حروفي ماوفت في خصايله
عياش يوم الكون ياجاهل(ن) بهم=تارد حياض الموت ماهي بسايله
ربعي هل الطولات نطاحة العدا=هم عزنا ياجت الايام مايله
من لابت(ن) تمدح لياجيب ذكرها=بالعز معروفه وللمجد طايله
دهامشه شمس(ن) بالافعال شارقه =عدوها دايم قليل(ن) حصايله
دامت لياليكم بالافراح عامره=والحب جعله ماتطفا فتايله
اهديت للاصحاب صادق مشاعري=والشعر ينبي عن احاسيس قايله[/poem]
[align=center]الشاعر/عقيلي بن نايف المجلاد[/align]
المواضيع المتشابهه
العرض الشجري