قصيدي ياجمهوري

[حمد الدليهي]

[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لاهاضت بنات الفكر رقصتها ترقيص = اصحي لها هاجوس فكري وارقصها
فرايد مهار الشعر قحصتها تقحيص = تقادح حوافرها شرر من تقحصها
اعذاب الفرايد شردها مثل شرد العيص= صعيب( ن) تجمعها سريع( ن) تحاوصها
دخلت البحور وغصت فيها بلا ترخيص = نوادر جزيلات القصيد اتقنصها
مابيها تجي من عرض ماقيل ابي تلخيص = ويلقا بها اجمل ما نكتب من تمحصها
عن الزود والنقصان محصتها تمحيص = على القافيه والوزن بالعرف اشخصها
وبعد بالوسم حنتشتها شاهدي تشخيص =علامه محد يقدر يجي ويتقمصها
قصيدي ياجمهوري ما يحتاج له تفحيص = ولا ارسلتها لفلان من شان يفحصها
ولا ينكسر بيتي وانا حط له ترصيص = احبك القوافي بالمعاني وارصصها
واذا كان مانالت قناعات كل ابخيص = فلاخير لا فيها ولا في تخصصها
هذا مابدالي يوم صار القصيد ارخيص = لمن باعها خلف الكواليس وارخصها
بعد كان فيه الزود باعوه بالتنقيص = بدا فيه جيل(ن) قيمة الشعر نقصها
وانا اعز راسي واحشمه مثل راس غليص = ماحب احقره واشناب الاقزام اقصصها
[/poem]

صقر المعتاد العتيبي