( والله تسوى هالرياض .. البنيه )

[نفاع العنزي]

[align=center]لي شرف الانضمام هنا
ولي شرف استجابة دعوة اخوي الصغير سنا الكبير قدرا ( سامي )
ولأحرفي شرف ملاقاة أعينكم الطاهرة

..........................

هذا النص حصريا هنا وطازج
خلونا نبداها بغزل صريح
( د. كيف ) كوفي شوب بشمال الرياض يعرفونه أهل الرياض جيدا

الفكرة تولدت هناك ورأت الدنيا كقصيدة هنا ... فللمكانين موقع لن أنساه [/align]



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
(دكتور كيف ) أسألك عن حالها كيف ؟ = أمنتك الله لا تخبي عليّه
هو شعرها ما زال يحتاج تصفيف ؟ = هني من من صفف شعرها هنيه
لهفة لقانا ما تبي أي توصيف = إسأل يديها عن ملامس ايديه
كانت دقيقة بس نظرة وتعريف = كنا اثنين وحولنا فوق ميه
كان اللقا بسمة وهمسة وتشريف = كنت أتغابى بس كانت ذكية
طيف يروح وطيف يمر مع طيف = ومشاعر بين الضماير قويه
كل الحنان اللي سطا بالسراجيف = تبي تقوله بس كانت حييه
قلبي هدية ما بها أي تكليف = ومن الحيا بغت ترد الهديه
دكتور كيف ارحم قلوب المواليف = واسمع كلامي وانتبه للوصيه
اسمع كلامي خل عنك الملاقيف = والله تسوى هالرياض .. البنيه [/poem]