يعني حضنتيني (وَهَم) ما حضنتـي..!

[نايف الجزاع]

ربيع لي دنيـا أمـل حـب كنتـي=وأنـا بتوصيفـك كتبـت وتمكنـت

كتبتـك وْبعـيـون ذولاك زنـتـي=بعيونهم زنتي.. وبقلوبهـم زنـت

وأنا معك وأنا معـك لـو فطنتـي=قاسي مع الدنيا ولكن..! معك لنـت

مثلتي إنك مخلصـه لـي وصنتـي=حبي .. وأنا اللي فاهم الدور يابنت

متعديـه .. متعديـه قـول خنتـي=وإن قلت خنتي جاوبيني نعم خنـت

أيقنـت إنـك ياقـويـه جبنـتـي=وأنا معك ممتـاز جـداً وأحسنـت

ياساعةٍ من كثر ما أخشـاك بنتـي=بنتي وأنا ياساعة الصفر لك بنـت

يعني حضنتيني (وَهَم) ما حضنتـي=ويعني طمأنينة (وَهَم) مـا تطمنـت

إنتي وأنا ماهو.. أنا لا: ولا انتـي=هو به شبه مني ..وهي تشبهك إنت

إنتي وهم وأنا وهـم بـه سكنتـي=ما قلت لك ما كنتي إنتي وما كنـت

doPoem(0)





[align=center]نايف الجزاع[/align]