أنا والليل والقمرا ومعنا الخاطـر المكسـور
تجمعنا على ضو القصيد وشـع لـي نـورك
أسامر طيفك وقلبي من الإحزان لك محضـور
وطاب القرب لي والشور يا محبوب هو شورك
غرامك هزني خلا قصيدي عندهـم مشهـور
أحبك حيل يا الغالي يزين الشعـر بحضـورك
تعال وشوف وش سوا غيابك من ثلا ث شهور
تعال وعانق المشتاق تـرا للحيـن مأسـورك
تعال أعْتقْه من أسره تعال وجيتك لـه نـور
تعال إقراء قصيده فيك تعب ويدور إسـرورك
يسير بدونك وشعره بـلا ردك غـدا مهجـور
تعال وشاهد أفكاره تعلـت شاهـق إقصـورك
مريض لهجرك وبعدك يزيد وخاطره مغـرور
تعب ويدور المرفـا عنيـد وزادك اغـرورك
يشيب القاق بغيابـك ليالـي واليـال دهـور
وكم من قاف لاهي بالخفا ومعانـق إبحـورك
ماعندي حل وأنت اللي فتحت الباب للجمهور
تحسبهم حباايب قلب ,وهـم حفـار لقبـورك
المواضيع المتشابهه
العرض الشجري