يا رفيق العمر يا صافـي الضميـر
يا حزين القلـب واللــــيـل الطويـل
ابتسـم دام الفـرح وقتـه قصيـر
ولا تخلي الدمع من عينـك يســـيـل
ادري ما غيـري رفيـق تستشيـر
وندري مـوكل شي نلــقى لـه بديـل
ويا ما عانينا أنـا وأنـت الكثيـر
وألوفـــــا لا مـا هقــينـا لـه مـــثيـل
الحزن لو كـان فـي قلبـك كبيـر
مثلك ترى حزنـي ... ويـزود بقـليـل
واللي صار مكتوب والمكتوب يصير
وأرضى بالواقع وبالوقـت البخـــيـل
يا رفيقي دربنا لـو كـان عسيـر
وفيه لقانا صار شبـه المســتحـيـل
كل شي يهـون دام إحنـا بخيـر
بس لا تقسى .. ولا تنـوي الرحــيـل
المواضيع المتشابهه
العرض الشجري