مآهو بكفو الوقت حبك يمحيه
ياللي تخـاف صـروف الايـام تمحـاه
ارتـاح ..دام المواصـل يقـوّيـه
أنت أنت..وأنـا أنا..وقلبـي هـو ايـاه
حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكـراه
حبك علـى رملـة خفوقـي مواطيـه
ورياح عذلي عنك مـا تمسـح خطـاه
واللي يعذل القلـب عـن درب غاليـه
الله بمـا يـبـلى الموالـيـف يـبـلاه
اخفيـه يا بالفيـت والـحـال يبـديـه
ادنـاة واحـد ينظـر الحـال يـقـراه
مخفيه فيـه ومعتنـي ٍ بـه وحاميـه
عن كـل عيـن ٍ ودهـا تنـزل حمـاه
قلب ٍ يحبـك و الهـوى الـذرب ماليـه
كانـك مكذبنـي ؟؟ بعيـنـك تـحـلاه
شرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه
وبتشوف به تمثـال و الوقـت هاريـه
وبتشـوف زرع ٍ ميـت وواقـفٍ مـاه
وبتشوف جرح ٍ فيـه سكيـن راعيـه
راح ونسى السكيـن والجـرح ينخـاه
وبتشوف حصن ٍ عج الاقـدار سافيـه
وبتشوف باقـي بيـت راعيـه خـلاه
لا تنزعـج هـذا خفـوقـي وباقـيـه
ولا تضايـق مـن تـصـدع زوايــاه
قـد زلزلـه فرقـا وهـزت عراويـه
والله ستـر والحـظ عانـه وعـافـاه