..(الصداقة .. منجم عقيق)..

[هيثم البوسعيدي]

سلام من الله عليكم ورحمة تتلوه وبركة/

بعد غياب أتيت لكم بـ:

..(الصداقة .. منجم عقيق)..

اتضيق بي الدنيا وجيلك يـا صديـق
..........ياللي الصداقة في مواجيبـك شـرف

قلبك غني كن يمتلك منجـم عقيـق
..........واللي يعرفك عاش قلبـه فـي تـرف

أنخـاك وألقـى فـي محيـاك الطريـق
..........من قبل ماأحكي طرف عينك عـرف

مثلك ندر لن معدنك أصلـه عريـق
..........ولا "البقية " جالهـا سيـل وجـرف

أشتاقلك ليمـن تغيـب واستضيـق
..........ضيقة عرب والقلب في ضيقه سـرف

ما قلتلـك مايبلـع المحبـوب ريـق
..........وده يلاقي من حبل وصلـك طـرف

كنه فقـد فـي غيبتـك أخ وشقيـق
..........والمـوق مـن حمـرة مدامعهـا ذرف

صدري حطب والشوق شب فيه الحريق
..........صبري نفذ من كثـر ماقلبـي غـرف

هذا انت تبعد والمنـى تبقـى صديـق
..........ياللي الصداقة في مواجيبـك شـرف