::
::
احبتي اعضاء وزوار منتدى الرائدية
يسعدني ان اقدم بين يديكم
احدث قصائد المبدعه بنت القنفذه الحبيبه
(وصايف تهاميه )
الاكثر من رائعه واتمنى ان تحوز على رضى الجميع
ودمتم بود
اترككم مع ابداعات الشاعرة 
..
..
اخواني أخواتي تحية نقية من قلب وصايف
للشعر عند وصايف نكهات متعدده وهذه قصيدة بنكهةاجتماعية فكاهية آمل أن تصل كما أريد للجميع
واردت أن اقدم اعتذار مسبق لمن سيظن أن القصيدة هذه ذما في مكان ما أو ذما في سكانه لا فالمشاهد الموجوده في القصيدة مشاهد عامه تحصل في كل مكان ولكن لان مكان وزمان كتابتي للقصيده كان جده في الصيف و في أحد المرافق الترفيهيه....... فجده هي المكان الاحب لنفس وصايف بعد ( القنفذة طبعا) اليكم القصيده ......... قسمتها للوحات لكي اخلق فاصلا في مخيلة القارئ لينتقل معي من مكان الى مكان فمن البحر الى الشلال الى أحد المولات ..........
خذوا نفس عميق فالرحلة طويله ......
::
(اللوحة الأولى)
هنا جدة ... هنا مافيه أوسط حال
هنا يمَّا غنى فاحش غنى لليل..ناس انفاسها أموال
يإماّا فقر ويشدَّه
وأوسط حال ماشفته إلى هالحين
أظن انه مثل حالي ضاع فوسطها المسكين
يظن انه الوحيد اللي وسط من بين اهل جدّه
..................
هنا في زحمة الكورنيش.. تحب اشياء وتكره فيها بعض اشياء
تحب البحر واللمه.. وهوا الساحل وذا رايح وذا واصل
وعالم رايقه بالحييييل عطت هم الحياه تطنيش
تحب انك تعيش بجوَّها الصاخب؟؟
رح الكورنيش
تكره فيه هالزحمه... وتمشي من العصر لليل
من اشاره الى تفتيش.. ومن تفتيش لإشاره
وبأخرها ولا تلاقي محل واحد توقف فيه سياره
وتذكر وسع قريتكم... ومو من وسع قريتكم
وتتذكر هدوء الليل في الحاره
هنا باطراف هالكورنيش... واحد جا يحط همه
واحد جا يفسح زوجته وامه
و واحد جا عشان الطيش
وهنا كم واحدٍ غلبان ذبحه الجهد والكتمان
فقد اثنين (أكل ونوم)
تشوفه ترأف لحاله تقرب تمسك يمينه
تقله قووووووووم يا خي قووم
وش جابك لها الكورنيش
يرد البؤس من عينه
وش عندي غير أركض ورى أكل العيش
........................................
(اللوحة الثانية)
هنا جده
هنا في ضجة (الشلال) تحط ريال فوق ريال
لجل لعبه .. لجل مسرح .. لجل ترفيه
يعني كله لعب عيال!!!!
تخيَّل كم بتصرف بس في لعب عيال؟؟!!
ألف؟ ألفين؟؟ يقول: اكثر
اقله زين اذا مافي عليك احراج
شفت العامل الهندي؟ وقف عندي
ودَّه بس يتعشى وجسمه نار هالمسكين
اظن الادمي محتاج خل نعطيه مهما يكون
لو هو ريال
يتعشى ويجيب علاج
منك ريال مني ريال ونكسب اجر في الرجَّـال
قال: الهندي ذا نصَّـاب
انا الصيف الذي ولى عطيته فوق عشر ريال
قلت اسكت لا تمنن وتستكثر.... وانت مضيّعٍ الفين او كثر
في لعب عياااااااااال
قال: ريالي لعيالي... روحي مالك ومالي
فكيني وبلاش ازعاج
وخليته وفي نفسي دعيت الله .. عسى يلطف بهذا الحال
بذخ في قحط في زحمة.. ولا رحمة ولا حال يسر البال
انا وش جابني الشلال؟؟
هنا شفت البنات اشكال
كل وحده لها صرعه ولها موال
وهنا بعض الرجال رجال... وهنا رجال مو رجال
مطوّل هالشعر مربوط.. وشكله ماهو بمزبوط
مسويله ظفاير ياااااي..مقلد لاعبٍ زنجي
وهنا واحد من اشباه الرجال اسمر ومتشيقر
يقولوا إن اسمه( سيف) ولوشفته ماتعطيه غير (انجي)
لابس طوق ياحليله... ناقص يلبس الشيله
بأسفل خصره البنطال..ماشي واثق ومختال
ولا عنده ولا شغله سوى انه يلاحق الصرعات
تشوفه تغسل ايدينك من المستقبل القادم
مدامه ان هذا سيف اجل ياضيعة النصره
اجل ياخيبة الاقصى اجل ياحرقة الاسلام
هذي والله النكسه
هذا سيف؟! لا يعقب.. هذا سيف؟! لا يخسى
لو ان ابن اليزن شافه
آآآآآآآآآخ
يدوسه دوس من راسه لاطرافه
اذا ذا سيفنا يالله نقول لذلنا قدام....
وانا استغفرك يالله اذا في هرجتي غيبه
وارد استغفرك يالله اذا لساني نطق عيبه
انا ماجيت ابي آكل في خلق الله واراقب كل حال وحال
ولكن القهر والله مخليني انسى فسحتي واقعد اوصف في هذاك الحال
اقول احسن اشيل المر في قلبي واقوم اطلع من (الشلال)
........................................
(اللوحة الثالثة)
هنا جده
هنا انسى الطفش والضيق اذا عندك
واذا ما عندك احسن لك... اقعد في وسط ضيقك
واسكت وابتلع ريقك
وقل الفقر فارقني
قله اش فيك لاحقني؟
هنا ماحنا في ديرتنا.. ولا في وسط حارتنا
اذا ضقنا تسلينا وتضحكنا سوالف ابن جارتنا
هنا ديره... ابد ماتشبه الديره
هنا كل شي متجمع... شر الوقت مع خيره
هنا طيرٍ وسَط راسك معشش اطلقه وهدَّه
هنا ارتز لا توقف ولا تهتز
وانسى جو ديرتنا بداوتنا وشقاوتنا
تطور لا تفشلنا.. هنا جده.. هنا جده
.......................................
(اللوحة الرابعة)
هنا في زحمة المولات.. هنا عاد اجتمع عالم
هنا وربي العالم.. عدد زوارها مليون
وبلوتوثاتهم أكثر....
هنا في طاوله فيها مره ورجال وعياله
اهو يناظر وهي تحرَّه وتستغفر
قباله بنت تشرب(تي)
قصدي شاهي مدري اشفيه لساني قام يتعثر
اظنه صار متحضر
واظن ان الوسط يحكم وانا في مجتمع راقي
يوووووووووه نسيت اكمل الباقي
نسينا قصة الرجال
ونسى ذاك الذي منه ... طلبت اثنين مانجا طازجه
قصدي(منقو فريش)نسى يرجع لي الباقي
او انه مانسى بس غش
و على مين الفقير يطير ورى رياله
اذا منه انأخذ عنوه ويبكي مثل اطفاله
ويصيح وكنها بلوى ومن كثر البكا يرفس
ركض ياقهوجي ياسيدي يا هييه
اقلك يارفيق ويا صديق
قصدي (سير) الا ياسير يابن السير
الا ياسيِّـد السيرات بقالي عشرة ريالات
قله : (يس ذيس سيرفيس)افااااا والله انها الوهقه..
وانا من يومها للحين
كرهت النحس بنت النحس وجه النحس
انا قصدي على المنقا
...........
اكمل قصة الرجال:
نسى روحه طوال الوقت يبلتث في هذيك البنت
اللي قاعده قباله
وضحكت له.. ياربي صارت حالته حاله
نسى الدنيا في ضحكتها.. ورمى غترته وعقاله
وقالت له: من هذي الذي وياك؟؟
ونكر زوجتْــه وعياله
يومن جا في جواله بلوتوث البنيه ذيك
ورد ارسل لها رساله
ايا حلوه يابنت النور
جذبني لك غلا وشعور
انا عزوبي,,, في العشرين يادوبي
وذولا اخواني وامي
قالت له: أجل شوف اش تبي امك
لاني ماني بحولك
بقي الا انت يادمك!!
انا قصدي ابي ارسل لابو الجينز الذي يمك
ضحك من نفسه .. والوكسه
مصدق هالغبي نفسه
قالت زوجته : وش فيك تضحك ليش يارجال؟
في نكته بها الجوال؟!!!!!!!!
قال بصوته الكذَّاب : ذا واحد من اصحابي جالس حنب كنتاكي
يقول : تعال يا الشاكي
قالت له: من الشاكي؟
قال: آنا هذا اسمي افبلوتوثي
(انا الشاكي وبي همي)
قالت: وش يبي الرجال؟ قال: ابدا كلام عيال
يقول تعال شاركنا هنا شيٍ يرد الروح هنا الغزلان تلتمي
قالت: هاه وش رديت يابو ياسر؟ قال ابغى ومو قادر
قالت: اييييييش وفي يدها صحن به عيش
قال اش فيك عصبتي.. ايا ساتر
انا ارسلتله بالحال... خاف الله يارجال
وايش يعني اذا الغزلان تلتمي
انا بدر الدجى يمي 
.
...................................
(اللوحة الخامسة)
هنا جده هنا عالم بلوتوثات
هنا في واحد رزَّه... من وجه نطق عزه
تحسه ينطق الآفات مليارات
قعد يفر جواله.... شوي وجاته رساله
من وحده اسمهااااا...... مدري... اظن ان اسمها عزه
اهدتله بلوتوثٍ وبه صوره تقول الحب بي لكن
ولكن .... وش بعد لكن؟؟؟؟
وارسل رده بصوره معاها اغنية وش هي؟؟
قديمه بس مدري اش هي؟
اذا ماكنت غلطانه ديانا اغنية(ساكن)
طول الليل ترسله ويراسلها
ويناظر كل من حوله وده بس يحصلها
وقام ارسلها: وينك؟ قالتله على يمينك
وطالع قال: لا تكفين انا فوجه الله من زينك
الا جعل الظبى تفداك
معقوله هذيك انتي ؟! ومن هذي الذي وياك؟
قالتله: هذيك اختي تحب تتابع الموضه
وخوية قال له تكفى طلبتك اختها تكفى
ابي تشربكني فيها الحين
وقام ارسلها: تصدقين؟!
خوي اللي قعد وياي.. طايح عندها المسكين
وهو برضه يحب الزين والكشخه
جنوني ودنيته فوضى
ويموت يموت في بنت تحب تتابع الموضه
وش رايك نكسب اجر في الاثنين
وهاللحظه نشبِّكهم؟؟
خذي رقمي... عطيني بس لو رنه
وخويَّ رقمه جاييكم بلوتوثه اسمه عاشق الونه
قالت له: حسافه حيل مانقدر نحاكيكم
قال: وليش قوليلي اذا اخطينا بنرضيكم؟!
قالت له: ابد لكن رصيدي منتهي من امس
ولا عندي ولا رنه.
وبعد ساعه.. قام ارسل لها رساله
ياعزه حني اشويه.. انا لي ساعة استنى
خذي رقم البطاقه ذا
شريته وبثلاث ميه... عطيني بس لو رنه انا او عاشق الونه
وجاته الصدمه الكبرى.... مسج بعده كره عمره
قالت له تعرف الحين.. ياشاطر تراسل مين؟
انا محمد وعمري توه عشر سنين
وخوية صاحبك اختي اللي متابعه الموضة
مع امي راحت تشتري بوظا
سلملي على صاحبك من عندك
وقله تكفى لو انه بيبي يشبِّك مع اختى
يتحراها الين تخلِّص الروضه
رمى ابن العز جواله.. وخويه طالع قباله
زعل وراح للبنتين... سألهم فين عزه فين؟
وقالت وحده مرتزه:يس وت از هابند؟ وصاااااااااح
ومن الاحراج وجه طاح
فرنسيه ورفيقتها
ولا يدرون وش عنده ولا كانوا ابد يمه
وقامو ارسلو رساله:
اصبر ياولد اصبر نوريك الادب هالحين
مو مثلك يغيض نزار ونادر ينحرق دمه
ورد الطفل: اتحدى مية منكم
يلحقني اذا فيكم ولد امه!!!
..........................
(اللوحة الأخيرة)
هنا جده..وهنا كانت (وصايف)في وسَط جده
ولا تزعل علي جده
أحب الراس ياجده
هذي بس دعابة في شعر بنتٍ تهامية
قالت شعرها فجده ولكن في صفا نيَّه
وتتعذر اذا انه بدا في شعرها تقصير
جده كل أبوها... خير
جده كل ابوها خير
جده صح فيها الخير؟؟؟؟؟؟؟؟؟
والا ليش هالعالم يقولوا ان جده غير؟
...............................................
كلمات / وصايف تهاميه
القنفذة..
منقول 
~
المواضيع المتشابهه
العرض الشجري